千両 (又一城)

营业中

休息中

話說午飯時間喺又一城揾飯食，喺溜冰場望上去見到喺角落頭有間日本餐廳。雖然店鋪位置唔當眼，但出面已經有三三兩兩等緊位，感覺似乎唔錯。拎完飛等完位開始進入店內，原來裡面有兩層，樓上雅座少d位，但會比較靜。燈光稍暗，可能是為了營造氣氛。午市有數款定式套餐，價位從78到138不等，收加一服務費。睇完一次菜單，心諗既然黎到日本餐廳，試下魚生飯自然也是應該。加上菜單上圖片影得唔錯，有紅有綠，頗增食慾，於是一於叫左個角切魚生飯定食。定食包含：沙律麺豉湯角切魚生飯其實角切既魚生，有個伏位就喺好可能啲魚生係整完壽司、刺身之後剩翻既頭頭尾尾。但心諗喺大商場裡面開得鋪，仲要收成$128一個set，唔會咁隨便掛。豈不知呢個魚生飯完全就體現左呢一個伏。部分切粒後既魚生見到有肥美既脂肪，假如是新鮮既話一定會好好美，但呢個飯裡面既係腥到一個點！就算加埋豉油落去撈飯，都係蓋唔住果種腥味。最後個飯係無食曬既，因為實在腥到食唔落。