千両 (又一城)

营业中

休息中

今次嚟到又一城嘅“千両”，真係食過一次就難忘啦！首先上嚟就係炙燒珍寶帶子沙律，睇落色澤鮮亮，咬落去外層微微焦香，內裡又嫩又多汁。搭配清新嘅沙律，一啖啖嘅海味同埋果酸果酸嘅感覺，真係一流！呢道只係78蚊，性價比超高。跟住就係呢個特上刺身拼盤，價錢要178蚊，但一睇到咁新鮮嘅生魚片，真係值返價呀！三文魚、金槍魚同白鯧，每一片都厚實飽滿，入口即化，鮮味十足，享受！之後點咗南瓜天婦羅，四件只係42蚊。外層酥脆，內心暖暖甜甜嘅南瓜，好香又好得意。而吉列廣島蠔，62蚊，絕對係海味之選。蠔肉鮮甜多汁，外層酥酥脆脆。最後仲有牛肉豆腐鍋同清酒煮活蜆，分別98蚊同72蚊。牛肉嫩滑，豆腐細膩，湯底濃郁暖胃；而清酒煮蜆，海味十足。整體嚟講，“千両”嘅食材新鮮，味道正，價錢又合理。食完之後，除咗滿足感爆棚之外，仲帶住啲幸福感，真係好推薦畀鍾意日式料理嘅朋友嚟試下！

今次叫咗份西京燒定食，有刺身南瓜醃菜沙律面豉湯。魚肉算嫩滑，白飯都係日本米，刺身都新鮮。沙律比足醬汁，出奇地2舊南瓜幾好食。由於依區冇乜日本餐廳選擇，所以千兩午市通常都要排隊，作為打工仔排得隊黎都叫做爭分奪秒食個lunch。

🇯🇵日本菜 🚹1-8人 ——————天氣凍🥶，🐻🐻‍❄️喺又一城想搵啲熱嘢食吓，於是入咗千両，點知…🍲A4和牛壽喜燒$178有兩塊和牛，肥瘦均勻，食落有牛肉香，軟硬適中唔會韌，壽喜燒汁味道正常，用粉絲比較少見，整體正常水準👌🏽🥚千両海鮮燉蛋👎🏽$32茶碗蒸入面有嘅「海鮮」係蝦同帶子，呢個價錢都唔期望係高級用料，但…入面嘅蝦可唔可以碌埋蝦尾嘅殼🥲會方便啲食😅依家食到有殼碎喺蛋入面🥲🍣炙燒壽司五點$149和牛壽司無油香，食落無咩味；帶子同蝦壽司最好食，食落有油香，仲有幾重牛油🧈味；魚壽司醋飯味香，都有少少油香👌🏽；鰻魚壽司普通水準，有落適量鰻魚汁嘅；👎🏽不過…用包裝豉油、仲要自己開同佢「高級日本料理」嘅裝修唔太夾，唔知係咪衛生考慮啦😅🐖串燒五日市豚肉車厘茄$32一咬落去蕃茄味喺個口度爆發，再之後食到啲豬酥味，不過呢個配搭夾唔夾就見人見智啦😓🍴餐廳要收加一，當日星期日中午無set menu要散叫。結論：又一城可能難啲，但呢個價錢嘅日本菜，其他區一定有更好嘅選擇😓

平日嚟咗又一城千両食午餐，發現都多人嚟食午餐，今次嚟係坐上層，上層少啲員工出入，所以難啲落單同埋揾店員。鵝肝壽司$42以前喺其他分店食大件啲，呢度好細件😢但係都好食魚鮮直送壽司定食$128魚鮮直送壽司定食有九件壽司，分別係牛油赤海蝦、炙燒左口魚、油甘魚、珍寶帶子、吞拿魚、三文魚、辣味三文魚軍艦、甜蝦蟹膏軍艦、同埋一件白身魚。魚生全部都好新鮮，再配咗一件千兩甜蛋。定食仲包括麵豉湯、沙律同埋小菜，當日嘅小菜係煮南瓜，南瓜都好甜。馬糞海膽（日本直送）$78當日食嗰舊唔鮮甜😢食咗個空虛

香港食日本嘢真係好貴午餐Menu嘅海鮮刺身丼 如圖所見份量唔慷慨，每款刺身都有少少咁樣，不過真係好薄好滿足，但其實都唔多，不過我本身唔食得多飯，所以食完唔飽合理鋪好薄的飯蝦好味 不過得一隻要慢慢㗳🥹朋友過10款是日刺身丼，哇啲貝殼類真係超薄，帶子好薄 筆記背一片鮑魚兩薄片，同埋除咗油甘魚厚少少之外，其他都切得好薄嘅魚生…..好難滿足吧 唔算特別鮮味啦 鯛魚口感OK 呢個set成為158 配菜嘅南瓜唔錯，次次都鍾意食呢個178 嗰篇魷魚真係食咗都冇 睇吓佢半透明幾薄唔識分呢幾隻魚不過真係超少嗌咗個$108嘅海鮮煲 睇落好似好豐富，但係肚入面見到嘅嘢就係全部，個鍋係超級無敵淺薄….其實睇過匙羹導致，根本水都姐唔到一半個匙羹我揼咗嚿南瓜落去哈哈蔬菜份量非常少 底下仲有少少粉絲～呢個鍋主要係好好味，但係嗰啲蝦同埋都係冇乜肉

自己本身係沙田返工，收工都比較晏約咗朋友食嘢通常都會去九龍塘，貪佢比較近，今日嚟開，都唔知食咩好，經開呢一間千両，記得都幾好食，所以就入咗去啦當時晚市8:00左右，唔使排隊，唔多人，坐嘅環境非常之舒服，寬敞，坐嘅係四人卡位。而兩個人就叫咗一set壽司食，一嚟到個賣相都幾吸引，望落都係新鮮嘅，有好多唔同嘅款式嘅壽司，而每款都有兩舊，所以兩個人食係啱啱好，自己最鍾意食係三文魚子壽司，口感超級好，亦都感受到佢好新鮮

❣️呢兩個月經常幫襯嘅千兩壽司🫶🏻🤩 主打高質壽司料理，品質有保證👍🏻 魚生新鮮肥美🤤 Lunch Set $98起就食到，全部Lunch set 都有包前菜、沙律、甜品、麵豉湯✨最愛同大推就係灸燒壽司牛肉烏冬定食，套餐超豐富，有齊壽司、烏冬、炸物😋😽超滿足‼️ 平日午市都多人排隊，有會員嘅可以係app攞定飛✌🏻🌟特上魚鮮直送壽司定食 🍣🎏 $178 特上壽司九宮格，由淡味嘅白身魚食到油脂味豐富嘅拖羅，件件都好yummy，魚生好新鮮夠厚🤩🌟灸燒壽司．牛肉烏冬定食 🥢 $158 每次嚟食都必叫，最滿足嘅套餐，有齊灸燒壽司五客（三文魚腩、帆立貝、赤蝦、鰻魚、左口魚邊）、牛肉烏冬🥢同埋炸物，天婦羅炸蝦炸得非常鬆脆🍤🌟中吞拿魚腩丼定食🐟🎏 $158 鐘意食吞拿魚腩必叫，油脂味超豐富，加埋三文魚籽，配搭一流😋🌟魚鮮直送刺身飯定食🍱 $188 當日時令刺身丼飯，份量比較小，可以一次過食到多款魚生🫶🏻😽🌟鵝肝壽司 $48 🌟加州卷 $28🌟牛油果小卷 $18

I recently visited a Japanese restaurant in Festival Walk with my wife during lunch time and had the daily special seafood sashimi set, which was absolutely fantastic! The freshness of the sashimi was remarkable; each piece melted in my mouth and was bursting with flavor. The variety included in the set was impressive, showcasing the quality of the seafood they use. The staff were friendly and attentive, making the experience even better. They were quick to serve and ensured we had everything w

聽日諗住去附近做嘢，搵嚟搵去又一城啲嘢都係偏貴嘅連鎖店，橫掂都係不如食想食好耐嘅壽司千両質素OK的，不過價錢貴啲，如果想食到想要嘅款式就要散嗌午市就滿足唔到的豚肉鍋唔錯，好多豚肉，但係全部都係肥肉咁滯 應該肥佬鍾意，正常女士應該都覺得太肥 啲菜嘅份量其實好少，粉絲就就幾多，不過整體個鍋其實都細 豆腐好香豆味流心蛋正常發揮南瓜好味好實在好飽肚鯛魚刺身$88白件，非常薄 但係係應該的，不算太爽口，但非常新鮮海膽壽司好味！最正都係帶子壽司 赤蝦都冇乜味啫 $30.1件，帶子$26抵好多朋友個牛肉肉就洋蔥份量好多啦 個個套餐配嘅盆菜都唔同，呢個就有沙律 服務質素正常 90分鐘用餐時間

我時常說，不論任何菜色好已贏在起跑線，尤其吃日本料理就是吃食材，食材新鮮程度决定生死。隨而來之就是厨師们手藝，店內衛生程度，前線人員服務態度，環境装修等。晚餐時段入內，全場近百個位只得三位前堂員工做落單，執位上菜做水吧結賬，還能笑面迎人我巳覺得很好，自問若是我肯定爆粗。可惜這的是食材可說是強差人意，厨師手藝只可說末入流，尤其處理刺身這些海鮮食物，刀法末夠班反會破壞食材味道，這裡的刺身返刀甚多導致魚身呈碎片感。食材只是有其形冇其實，厨師手藝末夠成熟。這店能在此多年也不倒，不是比其它食店優勝，只是沒有選擇。

自己成日食千兩都係千兩會員，第一次係又一城分店食，以後唔會再黎。食過咁多間分店呢間嘢食質素最差。賣相同味道都冇其他分店咁新鮮。個盤一夾完最後一件壽司下一秒已經即刻收我隻碟。啱啱食完兩啖飲緊茶又已經遞張單過黎，我地由入座起計只係坐左30分鐘佢就比單我，成餐比人趕逼我地快啲走咁。

Lunch Set炙燒壽司．牛肉烏東定食 $122 另加一服務費- 前菜一份沙律，有蕃茄青瓜粟米沙律菜加醬。- 漬物喺南瓜一件，口感鬆軟，甘甜。- 吉列魚、吉列蝦頭、吉列蝦尾各一件配沙律醬，面包糠不會太厚，外層都酥脆，唔錯。- 炙燒壽司有4件，包括有赤海蝦壽司、鰻魚壽司、帶子壽司同三文魚腩壽司，全部都好新鮮。我最喜歡食炙燒帶子壽司，大大粒鮮甜肥美嘅帶子，好好味。第二樣喜歡是炙燒赤海蝦壽司，肉質肥美爽滑，好鮮甜。- 牛肉烏東叫咗要7成熟牛肉，牛肉浸一陣就變左熟，烏東煮得唔會好淋，唔錯。

我今次冧爆咗，情人節到喇，就揀咗千両嘅外賣盛盒，想同另一半溫馨過一晚👩‍❤️‍👨。開盒一刻，個盛盒靚到不得了，兩個人嘅海鮮盛合擺得賞心悅目，觀乎先已經一流。肚仔都開始嗌交咗，刀工精細嘅海膽三文魚仔牛油果沙律呢，湯圓湯圓嘅三文魚籽同牛油果，鮮嫩得嚟牛油果綿滑至極，海膽就鮮味滿分，零舍順滑，幾乎溶係口中！轉頭發現嗰啲刺身嘅海膽，好似話係馬冀來嘅，鮮味濃嘅好過癮，真係幾興奮🤤。個人最愛就係三文魚親子牛油果沙律，那個口感配合得宜，夠晒平衡又唔膩口。最後，唔少得嗰個為情侶度身訂造嘅二人盛，22件逐一細味，個個都精雕細琢，新鮮爽口得黎又好味，分別有軟熟嘅吞拿魚，彈牙嘅鮑魚同埋甜美嘅帶子，噴香嘅炙燒香味都令人回味無窮😍。賞心悅目又美味，真係一個浪漫嘅晚餐選擇！有埋配合嘅乾冰，一路由店舖拎到屋企食，都仲維持得好好，真正方便呀！千両，下次情人節我又會光顧你！

朋友有千両會員8折coupon, 只要食滿$600，就可以使用8折coupon。午市時間預先在app拿籌號, 到達後只需要在門口等一會兒就可以入座, 好方便呢！👍🏽趁住有會員8折優惠，一於就食豪少少🤑, 點了魚鮮刺身定食, 8折優惠後連埋加一，大約是$142, 下單後不用5分鐘就上菜。味噌湯材料跟以往有稍微不同, 加了一些菇粒。定食還有南瓜小食, 很香甜。刺身全部都挺鮮美, 壽司飯鋪上蛋絲和蟹籽, 味道也很不錯。

千兩既lunch set一向性價比高，款式多兼扺食，於是平日lunch同朋友黎午膳，每人叫左一個set。 呢個價錢包左前菜（蒸蛋,刺身,漬物），主菜，飯，味噌湯及甜品 牛肉烏冬定食($128)：包天婦羅，沙律，壽司x 4及牛肉烏冬。 全部都好新鮮，冇失望。百兩定食（$108)：包天婦羅，沙律，壽司x 7及齋烏冬。 角切魚生飯($98)：包味噌湯，沙律，茶碗蒸，南瓜及一個魚生飯。魚生全部都好新鮮及值得Encore。