牛太 (已結業)

荃灣友想食燒肉並唔係太多選擇😕平時食開出名嘅連鎖燒肉店，好食係好食，但價錢始終偏高💸💸其實行開Citywalk成日都會經過【牛太】，無奈太多人，次次都唔敢入😅今晚難得見到唔駛排隊，當然即刻就要入去試下啦！同朋友一齊叫咗＄288嘅燒肉放題 😇 呢度好先進，會用iPad落單，而且侍應哥哥超好禮貌，上菜都好快 👍🏻👍🏻平時食開好多燒肉放題，啲肉都有機會解凍唔夠，痴埋哂咁。但係呢度完全無問題，肉質好好之餘仲夠新鮮🥩平民燒肉嚟講絕對唔錯✌🏻✌🏻味道 ⭐️⭐️⭐️⭐️服務 ⭐️⭐️⭐️⭐️⭐️衛生 ⭐️⭐️⭐️⭐️性價比 ⭐️⭐️⭐️⭐️