小澤日本料理 (已結業)

已經唔係第一次食，係小澤嘅忠實fans 如果唔係咁肚餓嘅話就唔好叫三碗刺身飯啦，如果唔係會好飽！我自己就叫咗，辣汁帶子飯，油甘魚刺身飯，同半熟燒三文魚飯。我覺得辣帶子飯個汁唔係好啱我個人口味，佢係帶酸味好似沙津醬咁嘅辣汁，個人覺得同帶子唔係好親，但帶子本身係新鮮好食嘅。另外油甘魚刺身係好新鮮，好好食。而我每次一定會叫嘅就係呢個半燒三文魚飯，佢嘅三文魚係厚切，加咗啲醬油去燒，而且燒得啱啱好，魚生多過飯好多，真係食唔哂。朋友叫咗角切魚生飯，份量都好大最後仲會送雪糕俾你做甜品，成個餐都係一$115 ！