影片
更多
2009-07-28
9 浏览
星期五，與一小班朋友聚會，除咗鐵腳J之外，還有「大」小姐。友人J想食好少少，提議銅鑼灣嘅「石上燒」，太座與筆者都好耐冇食過鐵板燒，今次仲可以一嘗石板燒添。可惜筆者運氣不佳，用手機影嘅食物照片無緣無故全部報銷，唯有以有限嘅文藝，盡量將當日嘅食之經驗分享。太座預先留了座，時間為八點四十五分(明顯係晚市尾輪)。太座與筆者準時到達，門外嘅服務員正忙於招呼令一位顧客。等咗唔夠半分鐘，同一位服務員引令我倆同閣樓嘅用膳區。閣樓嘅用膳區樓底不高，座位數目大約三數十左右。環境格調頗高雅的，光線柔和，令雙眼十分舒適，如果唔係鄰桌嘅男女高談闊論，耳根都可以抖一抖。餐牌上有多種套餐及a la carte 選擇，其中用citibank卡可享用價值$299嘅星級名菜。不過大家都俾custom grill ($308)吸引。太座則選了classic grill 9oz 澳洲羊架($258)。每份grill再加四十蚊可享用salad及餐湯。筆者嘅餐湯係菠菜忌廉湯，屬濃湯類，但湯汁不是十分濃，過得去吧；另一款係清湯，內有紅蘿蔔塊及椰菜絲，入口甘香清甜，幾好喎。custom grill可選三款不同配搭，筆者嘅選擇係4oz
太座預先留了座，時間為八點四十五分(明顯係晚市尾輪)。太座與筆者準時到達，門外嘅服務員正忙於招呼令一位顧客。等咗唔夠半分鐘，同一位服務員引令我倆同閣樓嘅用膳區。
閣樓嘅用膳區樓底不高，座位數目大約三數十左右。環境格調頗高雅的，光線柔和，令雙眼十分舒適，如果唔係鄰桌嘅男女高談闊論，耳根都可以抖一抖。餐牌上有多種套餐及a la carte 選擇，其中用citibank卡可享用價值$299嘅星級名菜。不過大家都俾custom grill ($308)吸引。太座則選了classic grill 9oz 澳洲羊架($258)。每份grill再加四十蚊可享用salad及餐湯。筆者嘅餐湯係菠菜忌廉湯，屬濃湯類，但湯汁不是十分濃，過得去吧；另一款係清湯，內有紅蘿蔔塊及椰菜絲，入口甘香清甜，幾好喎。
custom grill可選三款不同配搭，筆者嘅選擇係4oz加拿大安格斯牛柳(Canadian Angus Beef Tenderloin)、大蝦及portobello。用燒熱至四百度嘅石板燒，筆者還是頭一趟，幸好服務員會簡單講解點樣用石燒熟食物。可惜於講解點樣料理牛柳時有錯誤，幸得友人J糾正。詳情是這樣的 – 服務員說料理牛柳可於中間切一刀，等熱力可以傳入牛柳中心部位。其實此乃中式烹調方法，正確嘅西式處理應避免切開牛柳，相反要用熱力將牛柳表面烤熟，先鎖住肉汁，這樣才可保留肉質嘅鮮味。筆者喜歡medium rare，火喉控制也不賴。
自助式料理，只要用料質素高，要難食係比較難的，加上石板上嘅操作不複雜，只要燒烤得宜，各人也能燒到滿意嘅菜色。用料方面，牛柳脂肪分佈均勻，入口牛肉味濃郁，帶有牛脂嘅甘香，加上早已放在石上嘅鹽粒催化，牛肉味更特出；至於太座嘅羊架，雖然脂肪比例都算唔錯，不過稍為欠缺了羊肉膻味，始於澳洲出產嘅羊肉，肉味與新西蘭出產的還有一段距離；大蝦新鮮膏也不少，食落鮮甜爽脆，加上蝦膏嘅甘香，沒有什麼投訴了；最後嘅portobello，一如所料，燒落香氣徐徐發出，一入口令口腔充滿菇香。
除了主菜之外，伴碟嘅烤薯很美味，吃得一乾二淨。餐前嘅香草包烘得鬆軟，法包則皮脆，配上橄欖油及黑醋，那有吃剩之理。餐後簡單的點了movenpick雪糕(single scoop $28; double scoop $52)，為是次飯聚劃上完美句號。難得冇揸車，可沾一點酒精。其house red($52 per glass)入口果味比較濃郁，味道較厚身，係不錯嘅紅酒，可惜筆者已忘記了其酒名。友人J則點了terra andina ($65 per glass)，也是一隻不錯嘅智利酒。
埋單共銀一千七百蚊，用citibank卡有九折優惠，平均每人三百八十五蚊。
张贴