筷子記

营业中

休息中

糧尾係時候要慳錢，係OpenRice見到呢間筷子記$20撈米粉/湯米粉，平到爛，上次食過撈米粉覺得一般，今次就試下湯米粉，簡左兩餸，唐生菜+肥牛，係公司叫完外賣自取，行到去攞岩岩好。賣相：比我想像中大碗，一個發泡膠裝哂，因為分湯要加$3，肥牛同菜係面，米粉係底，但見唔到湯，應該幾少湯。味道：唐生菜正常，冇咩調味，比較清淡，肥牛同我上次食一樣，煮得太耐好硬，要咬好耐先吞到，米粉冇咩味，最大問題係碎哂，要用匙羹食先得，湯確實比較少，可能比米粉吸哂。整體黎講：食物一般，但$20真係平絕中環，性價比贏哂，所以下次糧尾會再幫襯。