影片
更多
2018-01-29
190 浏览
天氣凍了，除左打邊爐外，食燒肉可以對住個暖笠笠嘅火爐，都係一個好選擇。我地今次一行四人決定試下新野，揀左呢間喺荃新天地一期新開嘅牛太，決戰牛魔王。放題主要分3個價錢，最平$218樂選放題有39款任食、$288華美清馥放題就有73款任食，最貴$428極級豪華和牛放題仲有82款任食咁多添呀。限時都係100分鐘，絕對夠時間食。而家好多餐廳都用平板電腦落單架啦，你揀完邊款放題，佢SET好左個電腦比你就可以ORDER了。唔駛下下叫侍應又可以慳番D紙，方便又環保。放題當然包埋任飲，我同老婆都係可樂怪，另外仲有道地綠茶同烏龍茶可供選擇。話明挑戰牛魔王，第一轉就梗係主打牛肉啦。厚切牛舌、薄切牛舌、特選牛肋肉、特選牛脊肉、霜降迷你牛扒.....通通叫一轉先。而呢幾款牛肉都係色澤紅潤而且紋理鮮明，絕對係上等貨色。放滿整個爐都係牛，滿足感爆燈。味道方面，肉質鮮嫩，而且牛味十足，濃濃嘅牛味撲鼻而黎，好心急想食晒佢呀。特別一讚霜降迷你牛扒，除了肉質細膩有食牛扒嘅口感，而又可以一口食晒，感覺極佳。除了吸引嘅牛肉外，我地仲Order左幾款海鮮，雖然海蝦唔算大隻，但鮮味十足，而帆立貝用錫紙盆盛著，可等牛油慢慢溶掉，味
我地今次一行四人決定試下新野，揀左呢間喺荃新天地一期新開嘅牛太，決戰牛魔王。
放題主要分3個價錢，最平$218樂選放題有39款任食、$288華美清馥放題就有73款任食，最貴$428極級豪華和牛放題仲有82款任食咁多添呀。
限時都係100分鐘，絕對夠時間食。
而家好多餐廳都用平板電腦落單架啦，你揀完邊款放題，佢SET好左個電腦比你就可以ORDER了。唔駛下下叫侍應又可以慳番D紙，方便又環保。
放題當然包埋任飲，我同老婆都係可樂怪，另外仲有道地綠茶同烏龍茶可供選擇。
話明挑戰牛魔王，第一轉就梗係主打牛肉啦。厚切牛舌、薄切牛舌、特選牛肋肉、特選牛脊肉、
霜降迷你牛扒.....通通叫一轉先。
而呢幾款牛肉都係色澤紅潤而且紋理鮮明，絕對係上等貨色。
放滿整個爐都係牛，滿足感爆燈。味道方面，肉質鮮嫩，而且牛味十足，
濃濃嘅牛味撲鼻而黎，好心急想食晒佢呀。
特別一讚霜降迷你牛扒，除了肉質細膩有食牛扒嘅口感，而又可以一口食晒，感覺極佳。
除了吸引嘅牛肉外，我地仲Order左幾款海鮮，雖然海蝦唔算大隻，但鮮味十足，而帆立貝用錫紙盆盛著，可等牛油慢慢溶掉，味道更香。
而且仲有燒菠蘿同燒香蕉添呀，不過生果真係要睇實，特別係香蕉，唔係就燒「蕉」了。
我order呢個蕃茄冷烏冬，食左幾款熱辣辣嘅牛肉同海鮮，再整一啖冷烏冬，一冷一熱嘅口感，直情係爽呀。
最後每位附送一客MOVENPICK雪糕，有朱古力、士多啤梨同雲呢嗱味選擇，食埋呢個高質嘅雪糕作結，感覺十分完美。
张贴
