點滾鮮點心火鍋

营业中

休息中

今晚黎左間火鍋+點心任食既餐廳！二人鴛鴦鍋，壽喜燒同豬骨湯，湯底好多材料，夠濃郁！尤愛個壽喜燒，佢有壽喜燒既香味同甜味，但唔會甜到好誇張，食完都唔會好口渴！有自助區，可夾不同既丸同菜等。菜都新鮮同有唔少款！有我至愛吃既豆捲！浸一浸湯食超正！我地叫左c餐，至尊和牛火鍋呢間講明係採用澳洲無激素牛肉，加分！坐低會先上幾款肉，職員會介紹係咩種既肉。全部都好新鮮，有肉味！我地專攻牛肉，好滿足！澳洲純血和牛油脂分布好靚，唔會太肥，食落去好嫩，有牛味得黎唔會好重騷味，好好食！除左和牛外，仲有其他少見既上腹牛五花同五花趾，同樣夠新鮮同有牛味，食多幾碟就返本！正！！除左佢個火鍋，好值得一提係佢個即叫即蒸既點心！！！超超高質！蝦餃同燒賣都好足材料，勁多蝦，唔會好多肥肉，食落好彈牙！流沙包睇個樣都知正！熱辣辣，好流心，包皮同餡都好鬆軟！好食！金錢肚又係必食，好稔好入味，但又唔會太咸，每件都係金錢位，好好味！自己一個可以食一碟！太良炸牛奶又係推薦！外邊炸到好輕脆，入面係好滑流既牛奶！翻叫左幾次，超好食！食完晒食返杯雪糕作結尼，好滿足！二人同行有85折！一個價錢食晒火鍋同點心，抵！兩個大人帶個小朋友，小朋友免費