影片
更多
2019-01-25
33 浏览
上年既11月去左東京食無得燒既吉列牛之後都有少少失望，因為一直以來印象中見到既吉列都有個燒烤板可以燒熟啲吉列牛，👦🏻覺得邊食邊有啲野煮下係一件幾好玩既事，所以東京之旅既遺憾終於可以係香港圓滿啦。餐廳位於旺角警署附近，其實即係太子站，行幾分鐘就會到，餐廳座位唔算多，所以繁忙時間不妨book定位先，一坐底無耐就會送上一碗前菜，👦🏻今次食到既係紅、白蘿蔔炆牛舌，蘿蔔好清甜，牛舌都炆得好淋好入味，前菜已經充滿驚喜，👦🏻另外再叫左兩串燒牛舌同明太子雞翼，首先燒牛舌同炆既真係好唔同，燒既牛舌比較爽口同埋有燒烤既肉味，其實一串真係唔係幾夠，之不過要留肚食吉列牛，所以都係食啲開胃前菜就夠；而明太子雞翼就炸得酥脆，咬開雞翼仲好juicy，配埋微辣既明太子真係好夾。餐廳總共有三種唔同價錢、級數既吉列御膳，今次就叫左一個最平既試下先，呢個叫頂級安格斯牛吉列御膳$368，除左包括一大塊吉列牛、另外仲有頂級美國安格斯牛肉片、日本鹿兒島A5和牛肩胛片、牛舌芯以及和風野菜盛合俾你用黎燒黎食，以價錢黎講雖然睇落好貴，但其實個性價比都幾高，吉列牛切開總共有10塊，外皮炸得金黃酥脆，入面就仍然係生肉既鮮紅色，個外觀真係好
餐廳位於旺角警署附近，其實即係太子站，行幾分鐘就會到，餐廳座位唔算多，所以繁忙時間不妨book定位先，一坐底無耐就會送上一碗前菜，👦🏻今次食到既係紅、白蘿蔔炆牛舌，蘿蔔好清甜，牛舌都炆得好淋好入味，前菜已經充滿驚喜，👦🏻另外再叫左兩串燒牛舌同明太子雞翼，首先燒牛舌同炆既真係好唔同，燒既牛舌比較爽口同埋有燒烤既肉味，其實一串真係唔係幾夠，之不過要留肚食吉列牛，所以都係食啲開胃前菜就夠；而明太子雞翼就炸得酥脆，咬開雞翼仲好juicy，配埋微辣既明太子真係好夾。
餐廳總共有三種唔同價錢、級數既吉列御膳，今次就叫左一個最平既試下先，呢個叫頂級安格斯牛吉列御膳$368，除左包括一大塊吉列牛、另外仲有頂級美國安格斯牛肉片、日本鹿兒島A5和牛肩胛片、牛舌芯以及和風野菜盛合俾你用黎燒黎食，以價錢黎講雖然睇落好貴，但其實個性價比都幾高，吉列牛切開總共有10塊，外皮炸得金黃酥脆，入面就仍然係生肉既鮮紅色，個外觀真係好靚，店員話放佢係個燒爐只需10-12秒就最好，燒既時候聽到啲肉“滋滋”咁響真係好吸引，跟住點住唔同既醬、鹽都有唔同既感受,鐘意食牛肉既應該都唔會失望，而其他配菜就無咁多驚喜，恰如其分，唔知再貴啲既兩款牛又有咩大分別呢？
「琥酌」
每次都會透過以下6大方面評分(滿分:30分)
味道 : 4.25 / 5
環境 : 4 / 5
外觀 : 4.25 / 5
價錢 : 3 / 5
服務 : 3.5 / 5
回頭率 : 4 / 5
總分 : 23 / 30
性價比 :
呢間餐廳真心值得好高分，原因係無論味道、外觀上都得到高分，今次簡直係成就解鎖，真心希望再有機會試下再高級啲既兩個御膳🤤
张贴