麒藝館 (已結業)

今日難得放假，但係始終都逃離不了銅鑼灣。事關呢度真係好多嘢食好多嘢行呀，單單一個時代廣場已經有超多好嘢食。今日我哋就嚟到有大名廚陳少麒開嘅麒藝館，以呢個天下第一無花果燒乳豬同埋花膠作為主打菜。我呢啲係銅鑼灣返工嘅梗係要試真下佢啦由於今日只係午餐時間，又得兩個人撐枱腳。所以唯有簡簡單單三餸一茶咁就一餐啦玫瑰焗銀雪魚 需然只得四塊~但真係真係好好味！！！ 銀雪魚焗到啱啱好~ 表面有微微嘅焦香 魚肉夠嫩滑 一流！！即燒無花果天下第一豬🐷 喺櫥窗見到隻乳豬係即燒架新鮮出爐咁當然要試一試啦！！ 乳豬仔皮膽肉嫩 超級肥美不愧係麒藝館嘅主打菜！！黑松露滑蛋帶子炒河粉 wow ~~ 落黑松露真係絕不手軟!! 最正係帶子啊!一碟有成六粒架 呢個真係抵食之選啦食到少少油膩再飲番杯茶，一個完美嘅午餐咁就完成✅