forte (已結業)

今晚約咗班朋友，去試下傳聞中好抵食半自助餐！首先講下buffet 個方面，食物種類非常少，不過係預期之中既事！大致上分為凍海鮮類，刺身壽司，熱小食，甜品，4部分。每個 section 都只得3-4種食物！最回本既當然係生蠔，非常新鮮！並非一般自助餐貨，石蠔為主，海水味，甜味足！不過最煩就係每次只可以攞2隻，我明白係唔想浪費食物。不過真係好煩！主菜方便，不要期望什麼！全部都非常普通，我點了金沙虎蝦扒，其實係只得一隻大虎蝦！不過讚佢係好新鮮，朋友加$70叫左 M5和牛！都係一般菜式！最差係食齋個位，叫左個南瓜蓉豆腐千層！難食能不能形容！！！Anyway , 講返主題！呢間餐廳黑到一個過份既地步，我真係唔明呢個係咩格調！一入到去就好眼瞓，仲唔係好睇得清楚條路囉！其實光少少都可以架嘛！但係呢個價錢，任食生蠔真係乜都抵返！