雅 ‧悠蔬食

营业中

休息中

最近愛上咗食新派齋菜，所以今日同朋友黎💛💛💛💛雅悠蔬食試下。一入到舖頭，裝修好雅緻，而且服務員嘅態度都好好。我哋嗌咗個二人餐，佢嘅菜式都好豐富㗎。頭盤有牛油果芒果苜蓿芽手捲配沙律，然後我地叫咗個猴頭菇燉湯，主菜有猴頭菇risotto，最後甜品黎個cheesecake 同紫貝天葵荔枝特飲。佢嘅手捲同沙律嘅菜都好新鮮，我特別推薦有柚子嘅嗰個沙律。啲柚子汁滲咗落去啲蔬菜入面，就算唔使沙律醬，個味道都好清新。我最鍾意就係佢嘅猴頭菇燉湯，侍應拎個湯上黎嘅時候，我就已經聞到好香猴頭菇味，而且湯入面仲好足料。鍾意燉湯嘅朋友，呢個係唔錯嘅選擇。至於佢個risotto，最令我驚喜嘅係佢上面嘅合桃，佢同creamy嘅risotto好夾，而且可以中和番啲cream嘅油膩，所以係一個唔錯嘅選擇。對於鍾意食cheese cake嘅我嚟講，佢嘅cheesecake冇令我失望！佢嘅cheesecake加咗冧酒，有一陣清新嘅酸味，所以食落去唔會好膩，可以為呢一餐劃上完美嘅句號。如果鍾意食新派素菜嘅朋友仔，呢間餐廳又支持同路人，又好食，真係一個唔錯嘅選擇。