鬼金棒

营业中

休息中

今日去左銅鑼灣睇戲，已經有半年無入過戲院，睇完戲去左行街，經過鬼金棒拉麵，就入左去試下，有qr code點餐，好方便。特製辣麻味噌拉麵 $120 ，可自行選辣度，我要左小辣小麻，味道同以往日式拉麵好唔同，有啲中式既fusion感覺，又幾夾喎，我本身都鐘意食麻辣，所以都幾鐘意呢個味道，裡面有件裝的叉燒、糖心蛋，芽菜同埋粟米芯，糖心蛋好好食！叉燒不是一片片、是一舊舊，都幾多肥肉。另一碗叫左玉米筍辣麻味噌拉麵 $100，朋友不吃蔥同韭菜，可選擇不要。呢碗係名付其實既玉米筍拉麵，有超多玉米筍，一條條用火灸燒過好香，一啲都唔膩，食到唔停食口，推介！我地都叫左汽水，罐裝可樂同芬達，大熱天時真係要飲啲凍野解渴。