影片
更多
2019-10-17
39 浏览
鍾意食辣嘅我今日嚟到呢間拉麵店試一試， 仲特登搵咗我都鍾意食辣嘅朋友一齊試試佢。今日係平日嘅晚上八點，餐廳都有仲有條人龍，我同朋友等咗大概15分鐘可以入座。餐廳嘅裝修幾有特色，有紅黑色嘅裝潢，幾有型，同一般拉麵店一樣都有得坐吧枱，望住師傅煮拉麵。呢度好先進，一入咗侍應就俾咗QR code我哋落單。每一款拉麵都可以自己選擇辣度同埋麻度，牛刀小試，我帶咗小辣小麻，朋友嗌咗中辣中麻。芫荽辣麻味噌拉麵 加味玉 $125喺Menu上面見到有芫荽拉麵，即刻俾佢吸引左，食落口估唔到同麻辣都幾夾，啲芫荽中和下，即刻冇咁漏。最失望嘅係我帶咗小辣原來係一啲都唔辣，睇嚟下次要挑戰再辣啲。但係個湯底令到我好驚喜，味道好香濃得來唔會漏，睇落好大碗，但係我都完全K.O.晒。嚿叉燒有啲似五花腩，好淋，入口即溶。味玉辣麻味噌拉麵 $100味玉仲係流心，唔錯。麵條軟硬度適中。朋友都好鍾意食辣，佢話中辣都唔係太夠，我哋決定下次挑戰加錢個勁辣。
今日係平日嘅晚上八點，餐廳都有仲有條人龍，我同朋友等咗大概15分鐘可以入座。
餐廳嘅裝修幾有特色，有紅黑色嘅裝潢，幾有型，同一般拉麵店一樣都有得坐吧枱，望住師傅煮拉麵。
呢度好先進，一入咗侍應就俾咗QR code我哋落單。每一款拉麵都可以自己選擇辣度同埋麻度，牛刀小試，我帶咗小辣小麻，朋友嗌咗中辣中麻。
芫荽辣麻味噌拉麵 加味玉 $125
喺Menu上面見到有芫荽拉麵，即刻俾佢吸引左，食落口估唔到同麻辣都幾夾，啲芫荽中和下，即刻冇咁漏。最失望嘅係我帶咗小辣原來係一啲都唔辣，睇嚟下次要挑戰再辣啲。但係個湯底令到我好驚喜，味道好香濃得來唔會漏，睇落好大碗，但係我都完全K.O.晒。嚿叉燒有啲似五花腩，好淋，入口即溶。
味玉辣麻味噌拉麵 $100
味玉仲係流心，唔錯。麵條軟硬度適中。朋友都好鍾意食辣，佢話中辣都唔係太夠，我哋決定下次挑戰加錢個勁辣。
张贴
