影片
更多
2025-08-24
0 浏览
見到麵屋神匠有個超熱鬧既動漫節活動，同埋有好多吸引既獎賞同優惠，所以就約左朋友晚上黎食飯兼打卡📸。.今次活動係7月25日至8月25日，四位超強動漫人物登陸麵屋神匠，仲帶黎四款優惠：打卡有機會贏日本雙人來回機票、全年免費食拉麵或者全年7折VIP；仲有7月25日至7月31日既快閃，每日送出20碗免費拉麵（只要Cosplay同打卡就有機會）；Cosplay仲有買一送一優惠做到8月31日；如果入場睇動漫節/電影，憑票尾堂食有機會拎小食。整個氣氛好正，一邊食麵一邊玩都幾開心🔥✈️🇯🇵。.佢地既二人套餐由$218起，係由11款拉麵/拌麵/沾麵/丼飯中揀兩款，仲送糖心蛋一隻，另外可以從8款小食中選一款。份量對兩個人黎講剛好，方便share多款口味。麵條質素普遍有彈性，湯頭或醬汁都夠味，溏心蛋流心，小食做得吾錯，整體係舒服又有選擇性既晚餐組合🍜🥚..極上蟹白湯拉麵 +$28 湯底濃郁而且帶住淡淡既海鮮甜，掛湯力強，細身拉麵岩岩好吸住湯汁，條條麵都夠味。碗入面有好多蟹肉，食落分明有蟹既鮮甜，仲有大大片慢煮叉燒軟腍到入口即化，半隻溏心蛋增加滑潤感。整體係一碗比較細緻同有層次既海鮮味白湯🍜🦀..神匠蕃茄蝦湯沾
見到麵屋神匠有個超熱鬧既動漫節活動，同埋有好多吸引既獎賞同優惠，所以就約左朋友晚上黎食飯兼打卡📸。
.
今次活動係7月25日至8月25日，四位超強動漫人物登陸麵屋神匠，仲帶黎四款優惠：打卡有機會贏日本雙人來回機票、全年免費食拉麵或者全年7折VIP；仲有7月25日至7月31日既快閃，每日送出20碗免費拉麵（只要Cosplay同打卡就有機會）；Cosplay仲有買一送一優惠做到8月31日；如果入場睇動漫節/電影，憑票尾堂食有機會拎小食。整個氣氛好正，一邊食麵一邊玩都幾開心🔥✈️🇯🇵。
.
佢地既二人套餐由$218起，係由11款拉麵/拌麵/沾麵/丼飯中揀兩款，仲送糖心蛋一隻，另外可以從8款小食中選一款。份量對兩個人黎講剛好，方便share多款口味。麵條質素普遍有彈性，湯頭或醬汁都夠味，溏心蛋流心，小食做得吾錯，整體係舒服又有選擇性既晚餐組合🍜🥚.
.
極上蟹白湯拉麵 +$28
湯底濃郁而且帶住淡淡既海鮮甜，掛湯力強，細身拉麵岩岩好吸住湯汁，條條麵都夠味。碗入面有好多蟹肉，食落分明有蟹既鮮甜，仲有大大片慢煮叉燒軟腍到入口即化，半隻溏心蛋增加滑潤感。整體係一碗比較細緻同有層次既海鮮味白湯🍜🦀.
.
神匠蕃茄蝦湯沾麵 +$28
係另一款重口味既選擇，麵質有d似烏冬，粗身有咬口，沾湯係用蝦同蕃茄熬成既濃湯，熱辣辣上枱時香氣已經撲面。湯入面鋪滿大量櫻花蝦，沾起麵條一條條實實地包住濃湯，酸甜帶鮮既組合好開胃。配上兩片厚切叉燒同一隻溏心蛋，食落既豐富感同口感對比都好過癮🍅🍤.
.
日式炸餃子外皮脆，入面餡料多汁，咬一口會有湯汁流出但吾會太油。配埋店家既蘸汁，仲可以提升層次，係一款好易令人想一口接一口既小食🥟🔥.
.
無糖可樂 +$8
清爽又解膩，最岩用黎中和濃湯既味道。配重口味既蟹白湯或者蕃茄蝦沾麵時，飲一啖就會覺得味道重組合得好，整餐食落黎吾會覺得太膩🥤.
张贴
