LAB EAT Restaurant & Bar (金巴利道)

营业中

休息中

於煩鬧的尖沙咀想搵一間靜靜地，啲位又唔太迫，又有啲情調，價錢又唔太價，食物質數又有咁上下嘅餐廳選擇着實不多。見到OPENRICE訂枱有75折， 相對變得抵食啲，就同老婆嚟試下。海膽多士法包香脆帶點熱度，大大片加拿大海膽甜度與法包好匹配，兩者平衡做得幾好，底墊的火箭菜是神來之筆，食完鹹與甜的東西再吃清爽又帶點苦澀的東西，將此菜色的整體食味昇華，好吃。安格斯肉眼牛扒就係肉靚就會好食，煎得剛好Medium，可以想像得到的美味，另外墊底的甜番薯都好食嘅~食咗會胞肚啲。卡邦尼意粉要煮出一碟美味的Carbonara，要留意很多細微的地方，芝士味濃， 意粉煮至Al Dente口感，再配蛋黃的蛋香就完成一碟美味的Carbonara。整體菜色美味，但價錢略為貴，如加上OPENRICE訂座優惠就相對合理。