Amitie Kitchen

营业中

休息中

琴日喺朋友介紹之下就嚟咗呢間樓上餐廳，上到去估唔到都幾多人，我哋等位都等左到陣。 坐低之後侍應就向我哋介紹佢哋嘅餐牌同埋佢哋嘅Special Menu。於是我哋就叫咗海膽松葉蟹意大利粉，同埋西班牙紅蝦意大利粉。呢兩個意粉都係單點嘅， 我同朋友都好鍾意食意粉，所以最後就決定咗揀呢兩個，因為出邊都好少食到。首先講吓佢哋嘅海膽松葉蟹意大利粉， 佢哋用料真係好好，松葉蟹唔係嗰啲普通蟹柳，食得出係真係松葉蟹，而且海膽都好新鮮 配搭埋意粉一齊食好滿足。 意粉嘅調味亦都做得好好會偏濃味少少。最後講吓佢哋嘅西班牙紅蝦意粉，隻紅蝦足足有我手掌咁大隻！意粉食落淡淡都係紅蝦嘅味道，好鮮甜同好濃郁，好少喺出面食到意粉係煮得咁有蝦味。