影片
更多
2022-02-07
103 浏览
上星期六經過就係望到呢個Pizza set個大大個招牌好吸引，所以就諗住整返個食下啦。點知佢話要落場，所以冇緣一試。今次我醒目喇，星期六準時放工嗱嗱聲坐車出去食。首先呢間係一間小店，大約有八張枱。服務生係兩個比較肥胖嘅女人，最重要係佢哋兩個塊面都黑黑地，統稱黑面，完全冇笑容。所以唔好諗住一舉手就有人睬你，冇㗎，唔好亂諗。Pizza Set$88就只有五款選擇，有最基本嘅意大利瑪嘉麗塔、夏威夷風情、素食主義、紅魔鬼、火腿日本香菇。只要另駕$28或者$48就有好多正款選擇啦，例如藍芝士牛肉、芝士四重奏、風乾火腿、辣肉腸至尊、黑松露煙肉等等。由於第一次試食，我個心好糾結。我又好想食基本嘅『瑪嘉麗塔』，但係我又好想食『比安卡』、『Parma風乾火腿』。『比安卡薄餅』係有意式煙肉、芝士、洋蔥，齋睇圖見到上面嗰幾塊香葉，就已經好吸引。 『Parma風乾火腿薄餅』，擺到明係因為我想食Ham。但係最後我放棄晒所有，我揀咗『全肉樂園』，因為佢都有意大利風乾火腿，所以平平哋加$28就轉左呢個。首先我要講呢度嘅湯係唔好飲，我
首先呢間係一間小店，大約有八張枱。服務生係兩個比較肥胖嘅女人，最重要係佢哋兩個塊面都黑黑地，統稱黑面，完全冇笑容。所以唔好諗住一舉手就有人睬你，冇㗎，唔好亂諗。
Pizza Set$88就只有五款選擇，有最基本嘅意大利瑪嘉麗塔、夏威夷風情、素食主義、紅魔鬼、火腿日本香菇。
只要另駕$28或者$48就有好多正款選擇啦，例如藍芝士牛肉、芝士四重奏、風乾火腿、辣肉腸至尊、黑松露煙肉等等。
由於第一次試食，我個心好糾結。我又好想食基本嘅『瑪嘉麗塔』，但係我又好想食『比安卡』、『Parma風乾火腿』。
『比安卡薄餅』係有意式煙肉、芝士、洋蔥，齋睇圖見到上面嗰幾塊香葉，就已經好吸引。 『Parma風乾火腿薄餅』，擺到明係因為我想食Ham。但係最後我放棄晒所有，我揀咗『全肉樂園』，因為佢都有意大利風乾火腿，所以平平哋加$28就轉左呢個。
首先我要講呢度嘅湯係唔好飲，我欣賞佢首先唔係比紅湯白湯我先，但係個洋蔥湯真係一啲都唔好飲。唔係冇味，亦都唔係唔夠味，而係佢根本都煮唔到洋蔥湯出嚟。另外，再要講下呢度啲檸檬茶係台式紅茶，完全唔係香港嘅凍檸茶。
依家講返主題，個薄餅尺吋，好正宗，可切六點件，係大薄餅嚟嘅，正常兩至四人分都夠食。雖然呢個Pizza係薄底，但好食。
平時薄嘅薄餅大部份都係做脆身，但呢度個餅底係軟身嘅，有麵包香，而不仲有最正嘅Pizza邊。$120嘅價錢，我覺得個薄餅都好足料。
如果懶得過海嘅話，我應該會再過去食多一次pizza嘅！
张贴
