蜜庵本膳 (已結業)

今晚在尖沙咀附近放工，便相約朋友來到呢間裝修十分富有少女風的日本cafe 店食飯，店內都有好多係女性同朋友一齊來食，環境舒舒寛落，好適合同朋友來聚會聊天，店有仲提供有酒精飲品。餐牌上的晚餐有多款菜品選擇，我同朋友都不約而同點了漢堡扒同豬鞍一齊分享來食。和牛王漢堡丼，$158, 面有一隻用䜴油醃的日本雞蛋黃，下面係紅酒汁加紅菜頭汁飯，健康有益。和牛王漢堡扒肉質軟稔嫩滑，香甜多汁，牛肉味香濃，味道層次豐富。黑毛豬鞍，$128, 黑毛豬的豬鞍肉質特別鮮甜嫩滑，煮得剛好熟，外脆內軟，香甜多汁，點上芥末子同紅鹽一齊食味道好夾。香香愛芒，$128, 有愛文芒果，斑蘭忌廉，同斑蘭椰子糯米飯，班戟有5層，蛋香味濃，鬆軟香甜。飲品叫咗有燒酎的檸檬酎高同黑糖青梅酎高，酸甜可口，燒酎味同檸檬同黑糖味好夾，入口香氣散發。