影片
更多
2024-06-13
228 浏览
近期大熱嘅人氣金酒屋，終於帶朋友一齊去朝聖！閒日八點半去到竟然都仲要等位！真係好勵害！店內有吧枱位，卡位同廂房~金龍珠海膽吞拿魚蓉卷（四件）$158［分數：9/10］有幾款食品見到每枱都有揀嘅，當然我地都要叫黎試下！首先係金龍珠海膽吞拿魚蓉卷！粒橙黃色嘅蛋黃晶瑩剔透咁，入口軟糯，真係好吸引！另外仲配埋海膽、吞拿魚蓉，幾樣野夾埋，脂香海膽香，入口好豐富好滿足！必食！金酒杯 $168［分數：8.5/10］另一款每枱必叫嘅係金酒杯！將海膽、三文魚籽、松葉蟹肉、拖羅蓉放晒入玻璃酒杯入面，底下配有少少壽司飯。海膽鮮甜無比，三文魚籽帶咸香，松葉蟹肉鮮甜，再配埋吞拿魚蓉嘅脂香，無論配唔配埋壽司飯一齊食都好令人滿足！粟米脆餅壽司-三文魚牛油果 $78［分數：8/10］呢款創新菜式，將墨西哥脆餅同日式壽司嘅元素合併！外層係脆脆嘅粟米脆餅，入面放滿三文魚粒、三文魚籽同牛油果粒！三文魚刺身粒粒好大粒，帶微辣，外脆內軟嘅組合，好有口感~金丼。月見海膽三文魚籽拖羅蓉 $198［分數：9/10］同金酒杯有啲相似，同樣有海膽、三文魚籽、拖羅蓉，另外仲有隻蛋黃添！下面同樣配有壽司飯，單看賣相已經吸引非常！先將蛋黃整穿
近期大熱嘅人氣金酒屋，終於帶朋友一齊去朝聖！閒日八點半去到竟然都仲要等位！真係好勵害！店內有吧枱位，卡位同廂房~
金龍珠海膽吞拿魚蓉卷（四件）$158［分數：9/10］
有幾款食品見到每枱都有揀嘅，當然我地都要叫黎試下！首先係金龍珠海膽吞拿魚蓉卷！粒橙黃色嘅蛋黃晶瑩剔透咁，入口軟糯，真係好吸引！另外仲配埋海膽、吞拿魚蓉，幾樣野夾埋，脂香海膽香，入口好豐富好滿足！必食！
金酒杯 $168［分數：8.5/10］
另一款每枱必叫嘅係金酒杯！將海膽、三文魚籽、松葉蟹肉、拖羅蓉放晒入玻璃酒杯入面，底下配有少少壽司飯。海膽鮮甜無比，三文魚籽帶咸香，松葉蟹肉鮮甜，再配埋吞拿魚蓉嘅脂香，無論配唔配埋壽司飯一齊食都好令人滿足！
粟米脆餅壽司-三文魚牛油果 $78［分數：8/10］
呢款創新菜式，將墨西哥脆餅同日式壽司嘅元素合併！外層係脆脆嘅粟米脆餅，入面放滿三文魚粒、三文魚籽同牛油果粒！三文魚刺身粒粒好大粒，帶微辣，外脆內軟嘅組合，好有口感~
金丼。月見海膽三文魚籽拖羅蓉 $198［分數：9/10］
同金酒杯有啲相似，同樣有海膽、三文魚籽、拖羅蓉，另外仲有隻蛋黃添！下面同樣配有壽司飯，單看賣相已經吸引非常！先將蛋黃整穿再同所有野拌匀，配上鮮甜嘅海膽，咸香嘅魚籽同香滑嘅拖羅蓉，真係好正！
自家製雞皮蝦x2 $116 牛舌心 $58 西班牙豬肋條 $58 ［分數：8/10]
自家製雞皮蝦- 係衣到嘅特色食品之一，外面嘅雞皮燒得香脆，而入面就包裹住爽彈嘅蝦串，好特別。
厚燒牛舌心- 牛舌心比一般燒牛舌嘅脂香味濃郁好多～厚切有口感得黎又唔會太硬！爽彈有口感！
西班牙豬肋條- 一串約有5粒，經燒過後嘅油脂特別香口，好適合作為佐酒小食~
壽喜燒和牛鍋 $480 ［分數：9/10］
食完咁多刺身壽司之後，黎個暖笠笠嘅壽喜燒和牛鍋！啲和牛嘅雪花紋理好靚~鍋入面就有2個好吸引嘅福袋，原來入面係年糕黎，另外仲有
豆腐、冬菇、菇類、大蔥、粉絲、蔬菜、芋絲等等⋯
主角和牛切件有4塊，每塊都好大塊，放入鍋到淥10秒左右，入口柔軟非常，肉質又嫩又香，真係好好食！
朱古力慕士蛋糕［分數：8.5/10］
最後就到甜品喇，衣到樣樣野都真係好精緻！連簡簡單單嘅朱古力慕士蛋糕都要放喺個好靚嘅玻璃器皿入面！慕士蛋糕亦好有驚喜，唔會好甜，入面仲有啲脆脆，朱古力味香濃，慕士亦夠滑～
京都柚子日本手工麥啤 & 金•清酒雪球 ［分數：8/10］
飲品方面就試咗柚子味嘅手工啤同由清酒製成嘅cocktail ~
柚子手工啤閒落有淡淡柚子香，飲落會淡少少，啤酒麥味比較重。
金•清酒雪球就啱晒女仔，淡淡嘅清酒香配上甜甜嘅雞蛋酒，再貼心地配上碎冰~好完美嘅一餐！
张贴
