三日月

营业中

休息中

朋友生日我地今晚食鐵板燒慶祝，我地選擇左位於尖沙咀三日月，環境寛敞唔會覺得有壓迫感，待應服務態度都很好。我地點左一人鮑魚虎蝦餐，食到非常飽。海葡萄沙律沙律新鮮爽口，海葡萄增加口感，味道清新。餐前三小點豆腐豆味濃郁，螺肉口感彈牙，牛蒡條有咬口。生蠔即開即食，好夠凍，入口質感爽口。茶碗蒸蛋味濃郁，口感滑嘟嘟，加左松露油超香。南非鮑魚肉質肥美，鮮嫩爽口，一點都唔靭，連鮑魚肝都可以食。虎蝦口感爽口彈牙，師傅將蝦頭膏煮成醬汁，味道濃郁，蝦頭煎到脆卜卜。封門柳叫左5成熟，牛肉味香濃，軟林多汁，並蒜片一齊食口感更佳。櫻花蝦炒飯炒到好乾身，粒粒分明，加入自家制梅子醬味道酸酸地，食到一半之後可以加茶入去變成茶漬飯。甜品香濃紅豆雪糕加左脆脆作為結尾。