三日月

营业中

休息中

三日月「豐 一人前鐵板餐」，$398就食到成個set，仲可以近距離欣賞到日本手師傅嘅精湛手藝。前菜三小點精緻又開胃，有煙燻雞肉、味漬魷魚、味噌茄子。青木瓜絲沙律配上酸甜柚子汁清新醒胃。茶碗蒸滑溜鮮甜，黑木耳絲增加口感。聖子皇肉質鮮甜彈牙，用牛油煎得好香，檸檬汁令到聖子肉更鮮甜。虎蝦嘅蝦肉彈牙，蝦頭煎得好香脆，可以連殼都食埋，好香口好濃味。鹿兒島黑豚卷用鹿兒島直送嘅黑毛豬薄切，捲住蔥蒜香煎，肉質冧得黎帶微微焦香，豬肉油脂好香，肉味好濃，配上特製醬汁，味道層次豐富。鐵板炒飯飯粒分明帶焦香，蔥花同蛋香完美融合。配埋豆乳味噌湯。甜品艾草大福唔算太甜，淡淡艾草香氣好清新，中和鐵板燒嘅油膩。