LAB EAT Restaurant & Bar (金巴利道)

营业中

休息中

今日黎到尖沙咀呢間Lab eat食個晚餐，餐廳闊落，情調十足。開枝香檳仔飲下，另外前菜就有清酒啫喱車厘茄、牛肉他他、粟米濃湯，主菜係龍蝦海鮮意大利飯，甜品係栗子卷。清酒啫喱車厘茄食落清新，清一清個喉嚨準備今晚既晚餐，車厘茄第一啖食落甜甜地好似食水果咁，之後就係一陣清新既味道，酒味唔濃，唔驚第一道菜就醉左，之後係生牛肉他他，一向少食生牛肉既我撒底改觀，牛肉配埋脆脆既麵包，口感一軟一硬感覺一流。再上枱既係粟米濃湯，creamy就不在話下，配埋舖係面既忌廉更顯鮮甜。主菜龍蝦海鮮意大利飯，睇得出餐廳既誠意，飯都有兩隻色，黑色既應該係用墨魚汁，而橙色應該係龍蝦汁，意大利飯配有龍蝦尾、青口、大蜆，碟邊重有好幾粒魚籽增強口感，我自己就鍾意橙色果邊，鍾意佢更加鮮味。甜品係栗子卷，栗子卷有上面除左有朱古力，重有金箔更顯貴氣，而栗子卷下面就有雪巴係底，雖然食落酸酸地凍凍地，不過食完就覺得好完滿。