麵屋神匠

营业中

休息中

旺角呢一間拉麵店經常門口排上人龍，今日正好來試一試，入到店內裝修很有日本特色，仲以為自己去了日本呢！我同朋友分別試咗濃厚蝦湯拉麵及火炙叉燒醬油拉麵，另外還加錢叫了日式唐揚炸雞，都很有水準！先講我的濃厚蝦湯拉麵，果然有驚喜！奶白色的濃厚蝦湯非常鮮味，而且相對厚身，使拉麵能夠沾滿蝦湯的美味！另外麵質非常彈牙有口感，二兩塊叉燒非常大塊，果然係人氣推介拉麵，非常好食！而我朋友叫的火炙叉燒醬油拉麵湯底比較清甜，朋友說叉燒是半肥瘦，非常惹味，味道濃郁，配襯清甜的醬油湯底，絕對不錯哦！而那個日式堂楊炸雞甜甜的外皮揸得香脆，雞件啖啖肉，配上特制醬汁，很有日式炸雞風味！這間拉麵店質素有保證，而且價錢合理，唔怪得知咁多人排隊幫襯啦！