元朗新記 (鴻運樓)

营业中

休息中

係大同買完月餅，同爸媽黎左呢間出名食雞粥嘅「新記」。餐牌樣樣都好吸引，價錢相宜，忍唔住叫左成枱嘢食😍貴妃雞粥必叫招牌雞粥～招牌係有原因，雞大大件又多肉，有兩大舊係雞脾肉添，咸雞令個粥特別香滑，粥底唔杰唔稀，好味。菠蘿咕嚕肉呢樣都好好味啊～份量多得黎酸甜適中，肉好掛汁仲有少少脆，餸飯一流。酥炸魷魚鬚我嘅至愛😌份量又係超多，滿滿一大碟。幼身嘅魷魚鬚炸得卜卜脆，爽口唔硬，送酒正。揚州炒飯大大碟，三個人share都ok。蝦仁火腿都好多，好香口又唔油。香脆炸大腸老豆至愛，炸得乾身，好香脆，豬腸都好乾淨。估唔到普通一間茶記樣樣食物都有水準，qr code落單又方便，兩老都好滿意。👍🏻