元朗新記 (鴻運樓)

营业中

休息中

超平小炒同港式茶餐，最出名就係貴妃雞粥，之前食過幾正，不過今次黎食小炒😝❤︎ 酥炸魷魚鬚好大碟啊咩事😂講緊出邊買一份得幾條嘅魷魚鬚都要$30-40，呢到滿曬一碟只係六十幾😳新鮮炸起又香又脆真係冇得輸🦑❤︎ 椒鹽肉排豬扒本身幾嫩，椒鹽調味恰到好處，蒜香鹹香有齊仲有一絲微辣🌶️送飯就啱曬︎ ❤︎ 菠蘿咕嚕肉食小菜我都幾中意叫咕嚕肉😆佢地嘅咕嚕肉麵衣唔會好厚，入面豬肉瘦瘦的又軟嫩🐷酸甜醬汁開胃又有菠蘿的果香🍍︎ ❤︎XO醬炒蘿蔔糕XO醬炒係呢道菜嘅靈魂，有海鮮嘅鮮味提升香氣，兜落個外層微脆內部柔軟嘅蘿蔔糕，每啖都幾過癮🤣

天氣濕濕笠笠好想食啲🥳暖嘢，決定帶🧑🏻爸爸去食碗🐥雞粥暖吓個胃仔， 唔好以為佢哋剩係得雞粥食好多🥗小菜都有而且佢哋嘅炸乳鴿😜同蜆蚧鯪魚球🫶🏻真係好鬼正， 仲有我哋叫咗個好惹味嘅椒絲腐乳炒通菜🥬估唔到佢哋仲有甜品幾款之中我哋就揀咗薑汁紅棗糕唔太甜煙煙韌韌我好鍾意🥰飲品方面我就叫咗凍檸茶🍋再加多杯凍🥛豆漿， 今日真係食咗一個超級豐富嘅午餐晚飯都唔使食🤭下次試埋佢哋啲腸粉同蘿蔔糕先都好想食

叫左第三次外賣，始終覺得雞粥太咸，仲要雞全部鞋雞，又咸又鞋，好難食，雖然粥夠棉，但始終都係差，之前食頭兩次都覺得咸，今次仲要全部鞋雞，愈食愈嬲，唔會再幫襯🫠🫠🫠

👨🏻‍🍳元朗新記 (鴻運樓) (元朗)📍元朗元朗安寧路21-35號鴻運樓地下7號舖 「新記雞粥真系無得輸😈」 常叫外賣之一🤣app新記熟客超有雞香味，雞肉又嫩，系外賣價貴左D🙈 👍🏻🍽️貴妃雞粥 $82暫時食過最香既雞粥🤤少少雞油，雞肉又嫩，雞皮好煙韌，食過返尋味😋 🍽️XO醬炒腸粉 $77不過不失，略嫌吾夠重味🙈吾夠香、吾夠鑊氣🙈 👍🏻🍽️菠蘿包 $11吾系專賣麵包黎講，可以整到菠蘿包脆皮，已經好好🤤

元朗哩間鋪頭寫明係收凌晨十二點。而我今日星期日夜晚十一點鐘去到，呀姐已經話冇得堂食，只可以外賣喎，咁唯有唔食啦如果各位想堂食的話，記得十一點就唔好再去喇，以免摸門釘呀！

見甘多個讚評就去食個晚飯試下雞粥：粥是棉夠味的但雞勁鞋炸兩：普通，正常，所以沒影低豉油王炒麵：$35 ～芽菜/洋蔥多過面XO醬炒羅白糕：$36 實的的 成舊粉冇羅白的

嘩！食到著火，原因一：好聲好氣呀姐我叫熱奶茶，點解咖啡嚟，嗰呀姐過嚟睇一眼就話一睇就知喺熱奶茶，我飲奶茶飲咗幾十年第一次咁樣俾人質疑我嘅味覺！OK算，諗住唔會再有下次幫襯一次性，點知隔離兩張枱有位呀生大叫我呢杯凍奶茶嚟㗎喎，點解係凍咖啡嘅阿姐？，嗰呀姐即換俾去！ 我即埋單走人！47大元得啖笑

已經係常客，每次掛住雞粥必來！.每次一定叫的雞粥，大大件雞好足料👍🏻肉質嫩滑，粥味道濃厚，真係食過一次就會念念不忘！今次試埋碎牛粥也不錯，一樣足料👍🏻.點了幾款小食送粥超正，油炸鬼配粥一向perfect match，酥炸魷魚鬚又係每次都會點，金黃香脆炸得出色份量十足價錢親民，點喼汁好正🤤今次試埋多春魚同樣好味😋.天氣開始熱點少少冷盤，青瓜大條爽口，加xo醬清新開胃，海蜇手撕雞甜甜地，爽口清新啖啖肉👍🏻海蜇生腸甜甜辣辣好好味.真的元朗最喜歡的粥店！卡位坐得舒服，味道出色又唔貴，環境充滿港式情懷，難怪平日咁夜依然全店滿座！

原本係想去睇戲前食永順既沙嗲牛，但太多人排隊等唔切😂，所以食返呢間粥店～黎到啱啱好下午茶時間，雖然搭枱但都未算坐到好逼🔅沙嗲牛肉公仔麵餐 ($39)食唔到永順，男朋友話都要食沙嗲牛🤣，估唔到又幾出色喎💮～沙嗲味幾香濃，食晒成碗都唔會好膩，牛肉同麵就正常發揮。整體已經比普通茶記好食，幾滿意😚🔅菠蘿包 (+$3)跟餐個菠蘿包真係一般…菠蘿皮唔脆，包又唔係好鬆軟，唔使特登加錢試😂🔅貴妃雞粥餐 ($64)雞粥之前試過覺得好食所以encore，落完單10min唔使就有得食😚。食粥最怕太熱又無味，但呢到熱得黎又未至於食唔到😌，啲粥又入晒味。雞件都唔鞋口，有埋少量薑絲👍🏻。不過粥偏稀，鍾意食濃稠啲既朋友都未必啱～🔅蘿蔔糕有兩大塊，每塊都幾足料🔅凍奶茶🔅凍檸茶幾好飲，甜度啱啱好，平時唔飲凍0T既男朋友都偷飲左好多啖🤭💬Overall都好滿意，平價快餐但又中上質素，果然係老字號✨

[✨元朗新記•老字號港式風味🔥]#元朗新記 🔸紅燒元朗脆皮乳鴿 $78即叫即炸紅燒乳鴿，外皮炸至香脆，仍鎖住肉汁，必選菜式👍🏻🔸XO醬口水雞 $84口水雞嫩滑惹味，醬料辣度適中，辣辣地好過癮，好開胃唔錯🤤🔸椒絲腐乳炒通菜 $53通菜份量超級多，新鮮加上椒絲腐乳，真係食唔停口😍🔸鹹魚雞粒炒飯 $60飯粒炒至乾身，包裹住鹹香味，水準極高，夠哂鑊氣💯🔸酥炸魷魚鬚 (半份) $37必食嘅小食之一，金黃酥脆嘅外皮，粉漿亦唔會大厚身，魷魚新鮮彈牙，即使係半份份量都唔會敷衍你，真材實料❤️‍🔥🔸金錢煙鴨胸 $57鴨胸晶瑩通透，炆到剛好，厚身有咬口😋🔸凍檸檬茶 $9解渴解膩必嗌😊🔸凍阿華田 $9唔會太稀，正常發揮👌🏻————————♡♡♡♡♡♡————————✨總結餐廳環境寬敞舒適，食物價錢親民，份量十足，值得一再光顧嘅港式風味👍🏻💯📍元朗新記🏠元朗元朗安寧路21-35號鴻運樓地下7號舖#jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #ho

今日同家人在元朗行街，行到咁上下見到新記，入去吃午餐，環境乾淨企理，店員態度又好好，分別叫了椒鹽豬排/乳鴿/滑蛋叉燒/奶茶/酥炸魷魚，它的份量十足，整體水準唔錯，地點又方便，近西鐵站，裝修充滿懷舊特色，我同家人覺得新記係幾好食，元朗食過不少茶記，新記店員態度好好，下單夠快，又不用催單食物水準酥炸魷魚，炸得好脆椒鹽豬排，味道幾好，十分入味，並不會過咸乳鴿，我覺得好食，炸得好食，口感不會太乾，肉質入味奶茶，奶茶十分滑，茶味十足，奶茶夠滑滑蛋叉燒，滑蛋夠滑，叉燒好好味！服務，店員態度好好！環境，地方乾淨企理地點，十分方便，近西鐵，由朗屏站，衹需要十分鐘

元朗新記放假行完山同朋友落咗元朗新記食番個下午茶餐廳裝修舒適行完山攰攰地入去坐低嘆番個下午茶就最岩下午茶套餐好多款式我就叫咗幾款同朋友一齊食公司三文治熱檸茶加$11仲有兩隻雞中翼公司三文治有三層好夠份量麵包烘底食落鬆脆。香脆豬扒包熱檸茶豬扒包塊豬扒好juicy 。生滾及弟粥熱檸茶配火腿芽菜炒米粉新鮮生滾粥好多料。金牌貴妃雞雞肉鮮嫩滑溜雞味香濃食落啖啖肉。蒜泥汁脆皮豆腐外脆豆腐新鮮好食。紅燒元朗脆皮乳鴿熱辣辣新鮮炸起果然好脆皮。蜆介鯪魚球大粒鯪魚肉新鮮爽口彈牙。

元朗人必食老字號新記雞粥平時都係foodpanda多 前日晏晝去發現原來佢都幾多選擇 中式/港式下午茶餐、小食、生滾粥、炒粉麵 下午茶餐都幾抵食ჱ̒⸝⸝•̀֊•́⸝⸝)‪ ̖́-貴妃雞粥 +炸兩 $62雞粥係每次必點之選 雞肉大件夠嫩滑 而且好入味啖啖雞油香味 加埋薑絲同蔥粒 🤩粥底綿滑又鮮甜唔會好水 好邪惡但好好味( ˙༥˙ )海鮮粥 $81瓦煲上枱 凍冰冰食到熱辣辣ge粥💯仲好足料 有蝦🦐有蟹🦀帶子同魚粥底入味又鮮甜 不過我都係鍾意有雞油點綴嘅雞粥多啲🤪炸魷魚鬚 $61熱辣辣 炸得勁脆口 而且炸漿唔厚 🤩外脆內煙靭鮮蝦腸粉 $32條條蝦腸都有足料大蝦，蝦🦐肉彈牙 食粥一定要有腸粉✌🏻

食開既茶餐廳,初四未啟市.試吓元朗新記,食個快既午餐.下午茶餐$37. 沙爹牛肉麵,轉出前一丁(加两蚊),少見,沙爹有花生醬沙茶醬,真的不欺場,味道不錯.牛肉是一般貨色.. 半片牛油厚多士,1條香腸.凍檸茶 (+3蚊）另一個下午茶餐$42.煎豬扒湯米粉,豬扒煎得不錯,米粉算爽,不是淋.我覺得有水準.半片牛油厚多士,炒蛋.茶走,偏淡,一般茶記水準之下.可惜.豬膶腸粉,腸粉很淋和散,唔合格.員工服務不錯.初三至初七,加一服務費,我個人可以接受的.

貴妃雞粥($59/另加皮蛋$6) + 香脆油條($12) + 紅燒元朗脆皮乳鴿($76) + 菠蘿咕嚕肉($61/另加$20跟飯及餐飲) + 蜜汁叉燒($66) + 豉油皇炒麵($34) + 杞子枸杞豬潤湯($57) ★－:+:－:+:－:+:－:+:－:+:－:+:－:+:－:+:—★​元朗開咗有30幾年嘅新記雞粥都算幾出名，本店上年結業，呢刻唔驚唔覺又開返7間，分店有元朗+屯門+旺角兩間+佐敦+觀塘同筲箕灣，係勁嘅🔥是晚去元朗店，舖面光猛，如搭枱中間有隔板，出餐快，員工態度nice，客人滔滔不絕，外賣單超多，單機不停響🙉一場嚟到冇理由唔叫招牌雞粥，一兜二人分每人大約分到3碗，粥好綿，帶米香，唔會好水，帶米黃色充滿雞油香😋雞件大概有十舊，夠滑帶鹹香，果然馳名有因👍🏻注意粥會有碎骨要小心啲食；豉油皇炒麵麵炒得幾爽，豉油均勻，勁大碟😎脆皮乳鴿一開四，夠大隻好多肉，皮好脆，點少少准鹽好香口，唔使喺酒樓都食到乳鴿正✨菠蘿咕嚕肉唔係勁多粉漿嗰隻，半肥瘦梅肉甜甜酸酸送飯fit爆！