漁正居酒屋 (已結業)

前幾日約咗一個好耐冇見嘅朋友，咁耐冇見有好多嘢要傾，最適合就去下居酒屋一路食嘢一路談心啦。芥末八爪魚一粒粒嘅八爪魚好彈牙，配埋芥末好開胃。清酒煮蜆啲蜆大大隻，充滿鮮味。日式炸雞新鮮熱辣即炸，雞肉嫩滑。刺身因為我哋都好鍾意食刺身，所以就叫咗三款刺身嚟食，分別係北寄貝刺身、鮮吞拿魚赤身刺身同埋三文魚刺身。食得出好新鮮，用料高質。豬豚肉生薑燒豚肉份量都唔少，炒得好香，味道適中，唔會過鹹。串燒去居酒屋點可以唔食串燒，我哋分別叫左雞腎串、雞皮串同埋—口蕃薯串。雞腎非常之爽口，雞脾燒得香脆，咬落去油脂豐富，冇得彈。一口番薯都好香甜。蒲燒鰻魚飯點都要食下飯先覺得夠飽，鰻魚大大塊，都幾抵食，肉質鮮嫩冇骨。白飯一粒粒珍珠米煮得啱啱好。燒芝士年糕芝士年糕一直係我好鍾意嘅食物，但平時炸芝士年糕好多時都會太油，燒芝士年糕就最好啦，有得食芝士年糕之餘又唔使驚太油。青提子汁蘋果汁