一鼎‧台式火鍋 (將軍澳中心)

营业中

休息中

今日同老公去食台式火鍋，成日經過都見到好多人，今次終於book 左試下我地叫左個中價位套餐，係澳洲200日穀飼牛吃到飽套餐，食物種類都好多。鍋底係一人一鍋，我地揀左紅燒和牛湯鍋同埋膠原豬王骨鍋，湯底幾唔錯，特別係紅燒和牛湯鍋，牛味濃郁，湯底少少麻辣，就算唔點醬汁都已經好好味😋肉類方面都唔錯，澳洲200日穀飼牛必食，叫左好多碟。澳洲純和牛，牛舌、丹麥梅花都好食，輕輕灼熟已經好好味🤤海鮮方面好有驚喜，我地叫左大蝦、大蜆、生蠔都好新鮮，大蝦肉質彈牙爽口、大蜆清甜無沙，生蠔大大隻，煮完都無縮水，好飽滿。估唔到除左牛肉OK，海鮮都好食，唔怪得咁多人食🤤呢間舖頭仲可以叫台式野飲無限任飲，種類都幾多，我同老公試左芝士琥珀、黑糖珍珠牛乳、同埋冬瓜牛乳茶，三杯都好好飲，用出面台式茶飲店一樣，好驚喜👍如果鍾意食台式小食，都有好多台式小食如鹽酥雞、地瓜球、梅香地瓜條等叫，前菜都有吾少選擇，我叫左三碟冰釀梅汁蕃茄食😎我同老公最鍾意上菜快，叫完野食幾分鐘已經即刻上到，特別係肉類，好滿意，我地下次都會去食結論：（10分為滿分）味道：8/10性價比：8.5/10回頭指數：8.5/10餐廳名稱：一鼎‧台式火鍋餐廳地址