影片
更多
2019-01-29
222 浏览
臨近新年年尾，所以同同事食返餐團年飯，經介紹下得知觀塘有高質私房菜，所以一行15人決定黎試下。首先先上兩盤「麻辣滷水拼盤」麻辣味十足！唔會得死辣，仲有花椒既麻香。配上大腸，金錢肚及手撕雞！內臟無異味。絕對會食慾大增，作為頭盤絕對不失禮。再飲返個「砂鍋大魚頭豆腐湯」奶白色既湯水，代表足料而且煲得夠耐，飲落去有魚鮮甜味道，而且飲完唔會口渴，所以相信無落味精。「白胡椒爆炒南非鮑魚」絕對係成晚最好食既一道菜！濃郁既胡椒汁配上大大隻既鮑魚，加上十足既火候又唔會過火，食完回味無窮。「富貴金龍」姐係蒜蓉蒸龍躉龍躉肥美，蒜蓉夠多又唔會搶左魚既鮮味，啖啖肉得黎又有龍躉獨特既鮮味，絕對水準之作。「流沙黃金蝦」鹹蛋黃蓉唔夠香，有d太鹹，但好在蝦新鮮保救到，不過不失。「蒜蓉粉絲蒸特大聖子皇」呢個菜既靈魂精髓在於粉絲，粉絲絕對張呢道菜昇華，而且聖子大隻新鮮無沙，配上極多蒜蓉，食完把口臭三日都值！「大蜆燉蛋」第一次食呢個組口既菜，連埋蜆殼去燉蛋，蛋都ok滑，蜆夠大隻新鮮而且無沙，所以都唔錯。「士多啤梨骨」濃濃既士多啤梨汁配上大件排骨，而且唔會乾肉同鞋，非常開胃。「招牌御膳炒飯」炒飯真材實料，加上夠乾身同有鑊氣，飽
首先先上兩盤「麻辣滷水拼盤」
麻辣味十足！唔會得死辣，仲有花椒既麻香。配上大腸，金錢肚及手撕雞！內臟無異味。絕對會食慾大增，作為頭盤絕對不失禮。
再飲返個「砂鍋大魚頭豆腐湯」
奶白色既湯水，代表足料而且煲得夠耐，飲落去有魚鮮甜味道，而且飲完唔會口渴，所以相信無落味精。
「白胡椒爆炒南非鮑魚」絕對係成晚最好食既一道菜！濃郁既胡椒汁配上大大隻既鮑魚，加上十足既火候又唔會過火，食完回味無窮。
「富貴金龍」姐係蒜蓉蒸龍躉
龍躉肥美，蒜蓉夠多又唔會搶左魚既鮮味，啖啖肉得黎又有龍躉獨特既鮮味，絕對水準之作。
「流沙黃金蝦」鹹蛋黃蓉唔夠香，有d太鹹，但好在蝦新鮮保救到，不過不失。
「蒜蓉粉絲蒸特大聖子皇」呢個菜既靈魂精髓在於粉絲，粉絲絕對張呢道菜昇華，而且聖子大隻新鮮無沙，配上極多蒜蓉，食完把口臭三日都值！
「大蜆燉蛋」第一次食呢個組口既菜，連埋蜆殼去燉蛋，蛋都ok滑，蜆夠大隻新鮮而且無沙，所以都唔錯。
「士多啤梨骨」濃濃既士多啤梨汁配上大件排骨，而且唔會乾肉同鞋，非常開胃。
「招牌御膳炒飯」炒飯真材實料，加上夠乾身同有鑊氣，飽飽地都要食多碗。
「金華玉樹雞」蝦膠配上雞，幾特別既食法，雞都幾滑，只係雞味唔夠，應該唔係新鮮雞，但創意十足。
「上湯浸時蔬」不過不失的時蔬
15個人埋單$5330
每個人都食得飽同滿足，而且個個都話有下次，所以水準真的不差，而且新鮮既海鮮配上創意既菜式，絕對比起一般酒樓既圍餐抵食！
张贴
