Hungry Monkey (金朝陽中心二期 - Midtown) (已結業)

銅鑼灣登龍街果然唔會令人失望，帶着上海嚟嘅朋友去行咗個圈，感受一下銅鑼灣熱鬧嘅氣氛，揀咗間人氣旺盛的 Hungry Monkey，可以飲杯酒同埋食鐵板燒放鬆一下。🍋檸檬威士忌🥃割水既然氣氛咁好，當然要飲返杯 Highball🍺 chill 吓！威士忌味道突出，檸檬清新香味，好易入口，冰凍夠爽！頭盤沙律天氣悶熱，蕃茄蒜子沙律🥗酸甜蕃茄清新爽口，帶有一點生蒜的微辣，頭盤沙律開胃最啱！日本原隻活帆立貝好肥美又大隻的日本原隻活帆立貝，賣相好吸引！重點係好新鮮，juicy 多汁，尤其是鐵板燒會加入惹味香口的蔥蒜，微微焦香而且活帆立貝肉好嫩滑。日本章魚御好燒今晚好幸福，可以坐吧枱位，近距離欣賞廚師炮製日式鐵板御好燒。日本章魚口感煙韌彈牙，御好燒好厚身，配上秘製醬汁，御好燒火候控制剛剛好，口感鬆軟好食 ，再灑上紅姜，令人回味無窮。芝士蛋奄列爆汁的芝士蛋奄列，流心芝士🧀️拉絲吸引，蛋味道濃郁，奄列口感潤滑，外脆內軟好好食。厚燒牛舌份量好多！新鮮帶鹹香，口感爽脆，外層燒得微微香脆，味好香濃，佐酒一流，大滿足！