97
3
3
港铁铜锣湾站 B 出口, 步行约4分钟
继续阅读
电话号码
54089580
25780828
开饭介绍
主打日式铁板烧，食材新鲜，即叫即烧。
继续阅读
营业时间
今日营业
12:00 - 20:00
星期一至日
12:00 - 20:00
公众假期
12:00 - 20:00
公众假期前夕
12:00 - 20:00
有关奖赏计划
食家推介
又再放无薪假，约咗朋友出嚟铜锣湾行街，见到Hungry Monkey系主打大家都好耐冇食嘅铁板烧而且价钱唔贵，所以决定喺度食lunch😍仲可以一边食一边欣赏师傅烹调美食🤤梅水晶：鲨鱼软骨爽脆配上梅子酸咪咪好开胃！芥辣八爪鱼：鲜味八爪鱼刺身混合浓郁Wasabi味！明太子奄列：明太子带少少辣味，同鸡蛋好夹而且唔会过咸，奄列口感嫩滑蛋味浓郁😋香葱牛肉薄烧：牛肉包住大量葱花同炸蒜，牛味香浓入口鲜嫩又juicy❤️❤️❤️托托蚬：平时系有四只嘅不过落单嘅时候店员已经同我哋讲咗今日嘅size比较大所以只得三只！托托蚬肉质细嫩鲜甜又弹牙，炸蒜好香好惹味但又唔会掩盖咗蚬肉嘅鲜味😍南非鲍鱼：鲍鱼品种珍贵，肉质厚实，弹牙带爽又鲜味☺️蟹盛御好烧：御好烧做法简单但要整得好食并唔容易，餐厅加入多款蟹食材，有蟹肉；蟹籽同蟹膏，味道鲜美蟹味浓郁🦀食物真系好高质，好食到食到一半我哋已经谂紧下次再嚟要食啲乜😆😆
继续阅读
今日同女友人去铜锣湾行街，无知想食咩，见登龙街好多餐厅，所以记谂住过到依边先再决定食咩野。一直都好想食铁板烧，友人都表示有兴趣而且见menu价钱都几抵食就决定一试入到去我地都算早，所以有bar位坐可以睇住师傅烧因为想食海鲜，所以我地决定散叫，真系无拣错，师傅手势一流， 店员都好细心解释。梅水晶 芥辣八爪鱼前菜 酸酸辣辣好开胃南非鲍鱼佢近卡位果边有板有d时日menu,南非鲍鱼大大只都系$98。 师傅烧得刚刚好，鲍鱼好新鲜，点少少酱汁，perfect match托托蚬佢本身系有4只，因为今日蚬比较大只所以变左3只。 蚬好鲜甜，好juicy 送到黎已经闻到好香既蒜蓉味明太子奄列好大份，蛋煮得好嫩，入面有大量明太子。蟹盛御好烧一黎到已经哗一声，个面有蟹肉、蟹籽同蟹膏。佢饼入面都仲有蟹肉，蟹全部都系蟹，好香浓蟹味，劲满足。店员比左紫菜同姜可以按自己喜好加。香葱牛肉薄烧佢系lunch menu都有，我地一路食都见到师傅长期都整依个，咁有人气点可以唔试好多葱好多蒜，牛肉入口有熔化感觉，好juicy好嫩。饮左两杯野，埋单都系唔洗$800，超级抵，下次都要再黎食。
继续阅读
铜锣湾区内一向是优质日式菜系集中地,无论是刺身寿司,铁板烧或是融和菜式,都能轻易找到优质餐厅;素来食尽各种美食的飨客好友这次相约我到区内一家铁板烧来个饭局相聚,便知道又有口福,就马上答应出席!周四夜的铜锣湾较为繁华一点,从地铁站B出口前往,可避开沉闷冗长的A出口;来到餐厅门口,映入眼帘的是门面的顔色,灯光,装潢及构图,带点美式餐厅的风格,加上漫画化的猴子标志,霸气得来又非常醒目!由於好友一早已订了位,一来到就可入座;於大厦地面楼层的餐厅,好处是可拥高楼底,十足的空间感;而内里的主设计是环绕铁板炉具的吧枱,让客人们安座於此可全程观赏厨师们的铁板烧技艺!而柔亮的灯光亦集中於此,有如聚焦在舞台中央;旁边的圆枱则相对地暗色调,喜欢有情调的会较适合;而空气中弥漫着丝丝烟燻,肉类特别是牛肉的油脂气息,已引人垂涎!餐牌的制作亦较为精美,加上适中份量的选择,让人很容易点选合心意的菜式;而当日精选的,就以粉笔写在墙上的黑板上;这等场合当然由好友发办来点菜;与好友闲聊了一会,侍应生先递上前菜-蕃茄蒜子沙律;将蕃茄去皮後,淋上特别调制的酱汁,啖味起口感咸甜酸很平衡,更加突出蕃茄的酸爽清新,令人开胃!唐扬豆池鱼,就用普通的高温油去炸,已吃到酥脆鲜嫩的质感;滴上几滴柠檬汁,清爽的酸味与果味更突出鱼肉本身的鲜甜味!原本想叫清酒相佐美食,但好友连饮多晚想停一晚,於是改酒为矿泉水;正是当造季节的帝王蟹脚,用铁板烧的形式烹饪,最大好处是能赋予轻柔的烟燻气息,啖味起来有爽弹的肉质,蟹肉鲜甜味与海水味交织,这股烟燻气息就有画龙点睛之效!下一道菜式,我们要了五成熟的A5和牛坑腩;只见铁板师傅从雪柜取出一整块A5和牛坑腩,稍作解冻後切下了最肥的脂肪,留待下一道菜备用;然後就把和牛坑腩放在大铁板中央,用两把小铁铲将这妙品徐疾有致地翻弄着,令到六面都能受热,再洒上海盐,研磨黑椒粒於面上,待感受到达到合适的熟度,就用锋利的厨刀两三下手势就把和牛坑腩切成厚薄均匀大小适中的肉片;配上酱油,用简单的调味,就能品嚐到这绵滑柔嫩的A5级和牛坑腩的肉质!用来自意大利的矿泉水先清一清味蕾,再将一片卖相吸引的坑腩夹进口中,一下子感受到牛肉与牛脂及肉汁的连贯,即时在味蕾上闪出妙曼的火花!细嚼之下,坑腩的肉质一点都不黏牙,而且渗出的油润脂肪结合点点黑椒香辣味,从牙缝渗在舌头上,其香至极,不愧为A5等级!最後来个完美收结的和牛脂炒饭,就是用先前最肥美的和牛坑腩脂肪,煎至半熟时切成细粒加进同时在铁板上进行的炒饭中;而这饭用了晶莹的珍珠米,加上日本鸡蛋,牛油,炸蒜粒以及海盐去炒,既是简单的调味,却能融合和牛脂肪在其中的浓香丰腴作用,为炒饭注入了厚重的味感,让人更能饱足!一顿以A5和牛为主轴的铁板烧晚宴,在味觉,嗅觉及视觉上都大为满足,看来饥饿的猴子让人客绝不饥饿!
继续阅读
今日放工同女友约铜锣湾见，行左阵街，就肚饿揾野食，行左去灯笼街觅食，最後见到间好似新开既居酒屋，装修几靓，所以就入左去，入面都几多客人，但好彩啱好有位，唔洗等，见啲野食几啱胃口，所以就决定食。我哋叫左沙律、辣酒煮冻花螺、伊比利亚猪、蟹盛御好烧、日本炒面、蟹肉忌廉饼、白鳝，同埋两杯威士忌Highball 。首先黎左两个冷盘，沙律系个冻生蕃茄，系一个人份量，我哋share 黎食，酸酸甜甜，好开胃，唔错；辣酒煮冻花螺，冷盘比想像中份量大，辣辣地甜甜地，食落好爽口，唔错。食完冷盘就到正餐，首先黎左蟹肉忌廉饼，蟹肉同忌廉完美配搭，味道啱啱好，推介。跟住到伊比利亚猪，烧猪扒，上枱时望到个样已为佢好乾，点知食落又烟烟韧韧，唔会好乾，味道仲要唔错，好香猪扒味，推介。跟住再到白鳝，呢个价钱唔平架，所以本身期望系好大条好肥美，点知上到枱份量冇预期中大，味道系可以既，系多左啲小骨，要食得好小心。最後黎到蟹盛御好烧、同埋日本炒面，蟹盛御好烧劲多蟹子，味道适中，唔错。日本炒面都好算大份，虽然炒得几香，但可能已经去到尾声，所以并冇觉得好好食，不过可试。
继续阅读
疫情下好多朋友都有思乡情绪出现，哈哈！我也不例外！原定计划日本之旅当然要取消啦。朋友介绍铜锣湾登龙街Hungry Monkey可解除口腹思乡情😂😂环境不算大，布置有点日本料理feel㗎！侍应生很有礼貌，厨房是开放式嘅！可以欣赏厨师在你面前煮美食，正👍😋坐下有点口渴便叫饮品先，苹果梳打和桃味梳打~连饮品都来自日本，味道入口好清香👍头盘沙律是蕃茄蒜子沙律，好醒胃啊！煎明太子~大厨好手势呀！成条明太子煎得好靓，外脆微焦香，明太子咸香味浓配埋蒜片同食，味道好夹，蒜子有少许微辣。芝士蛋奄列~ 呢个好特别！蛋煎得好滑，包住芝士就更加香滑，入口有满足感。豆芽韭菜花炒砂肝筋~睇住厨师炒，配菜有芽菜同韭菜花是我喜爱食呢！菜炒得好爽口，因为是用平镬炒的，食落好似是用个镬抛高兜几兜嗰下手势，👍肝筋好爽口。A5和牛坑腩~A5牛坑腩部分是好矜贵㗎！肥瘦均匀，入口不油腻溶化了，好有肉汁味好juicy，真系好似食紧日本飞驒牛一样，食唔停口，好快就食晒啦！师傅手势一流。真心推介👍👍日本炒面~有韭菜洋葱红萝卜等等配菜都好多！好大碟，面上面重有鲣鱼碎片喐下喐下好吸引，好够份量啊！椰子雪糕和柚子雪葩~椰子雪糕原来个壳真系椰子㗎，好香浓椰子味，不太甜，柚子雪葩入口酸甜酸甜好清香，日本直送啊！👍👍结语~食材鲜令口福解思乡情😂
继续阅读