古今二 (觀塘工業中心)

营业中

休息中

觀塘工廈一帶有唔少好野食，今次就試左呢間日本菜古今二，環境裝修幾有日本感覺，位處於觀塘工業中心第4期，非常易搵。頭盤叫左櫻花蝦茄子燒，味道有少少似串燒店，不過無咁濃味，作為頭盤非常適合。金龍卷係三文魚、炸蝦同芝士壽司，將三樣睇落唔同既野擺埋係一舊壽司入面，幾創新。忘不了你係壽司上面用左芒果同特別醬汁，有wasabi醬，耳目一新。另外仲有搖滾樂，即係鰻魚壽司，鰻魚質素唔差，值得推介。鹽燒雞翼味道不錯，但如果濃味一dd就更好啦，個人喜歡鹽燒應該帶多少少咸。但燒得幾香脆！