影片
更多
2021-06-13
1088 浏览
星期日都要開工，真係令人有點沮喪，放 lunch 梗係要食番餐好嘅，獎勵下自己。揀咗公司附近呢間正宗日本壽司店，據知店內的食材大部份都是由日本直接空運到港，十分新鮮。餐廳門面以淺木色為主調，環境十分雅致，以竹支為設計主軸，加上高樓底和落地玻璃，開揚又闊落，配上一室簡約裝潢，予人悠然自得之感。而家巿面已經有唔少餐廳採用手機自助形式點餐，呢度亦唔例外，只需掃描 QR code，揀選食物後落單，就可以坐定定等食，夠晒方便快捷。先睇下午市套餐，原來選擇都唔少，足足有成十幾款，真係令人花多眼亂。點咗雜錦魚生丼 ($108) 同 鰻魚飯 ($98) 各一，兩款套餐都附有麵豉湯同蒸蛋。麵豉湯味道濃郁鮮美，調味得宜，入口暖笠笠又不死鹹。茶碗蒸質感很滑溜，內有鳴門卷、冬菇和銀杏，為蒸蛋生色不少。雜錦魚生丼 ($108) 賣相非常討好，色澤艷麗，而且用料亦十分豐富。飯面鋪滿了蟹籽、三文魚、吞拿魚腩、油甘、玉子、鮑粒和青瓜，每一口都食到魚生的鮮甜及特色。三文魚肉質肥美，油脂豐盈；而鮑魚粒口感亦唔錯，脆中帶點韌勁，微微鮮甜，配墊底的醬油飯吃，味道一流。另外個鰻魚飯 ($98) 水準亦不俗，鰻魚表皮烤至金黃，入
星期日都要開工，真係令人有點沮喪，放 lunch 梗係要食番餐好嘅，獎勵下自己。揀咗公司附近呢間正宗日本壽司店，據知店內的食材大部份都是由日本直接空運到港，十分新鮮。
餐廳門面以淺木色為主調，環境十分雅致，以竹支為設計主軸，加上高樓底和落地玻璃，開揚又闊落，配上一室簡約裝潢，予人悠然自得之感。
而家巿面已經有唔少餐廳採用手機自助形式點餐，呢度亦唔例外，只需掃描 QR code，揀選食物後落單，就可以坐定定等食，夠晒方便快捷。
先睇下午市套餐，原來選擇都唔少，足足有成十幾款，真係令人花多眼亂。點咗雜錦魚生丼 ($108) 同 鰻魚飯 ($98) 各一，兩款套餐都附有麵豉湯同蒸蛋。
麵豉湯味道濃郁鮮美，調味得宜，入口暖笠笠又不死鹹。茶碗蒸質感很滑溜，內有鳴門卷、冬菇和銀杏，為蒸蛋生色不少。
雜錦魚生丼 ($108) 賣相非常討好，色澤艷麗，而且用料亦十分豐富。飯面鋪滿了蟹籽、三文魚、吞拿魚腩、油甘、玉子、鮑粒和青瓜，每一口都食到魚生的鮮甜及特色。
三文魚肉質肥美，油脂豐盈；而鮑魚粒口感亦唔錯，脆中帶點韌勁，微微鮮甜，配墊底的醬油飯吃，味道一流。
另外個鰻魚飯 ($98) 水準亦不俗，鰻魚表皮烤至金黃，入口微微酥脆，魚肉富彈性，嫩滑肥美，有入口即溶的油脂感。
面頭的蒲燒醬汁，甜度剛好，杰稠得來又夠入味，最啱就係用嚟拌飯吃。底層的米飯分量甚多，入口雖然有點偏濕，但軟而不糊，食晒都幾飽肚。
食完飯仲可以慢慢嘆埋杯抹茶先至走，店員亦無催促我哋離開，真係超寫意。
张贴
