影片
更多
2022-09-01
821 浏览
適逢朋友就黎生日，我地兩個梗係要食啲好野賀一賀佢🎂 都好耐冇食過日式鐵板燒，尖沙咀嘅三日月絕對係一個傾偈食好嘢幾好選擇。鐵板燒嘅精髓就係廚師會係你面前將新鮮嘅材料烹調，而三日月嘅廚師除咗煮得好食擺盤精美之外，仲會同食客有好多交流，分享煮法、食材、食法等，超滿足嘅一餐！☻ ☼ ☻ ☼ ☻ ☼ ☻ ☼ ☻ ☼ ☻ ☼ ☻ ☼ ☻ ☼ ☻三日月A5宮崎和牛鮑魚一人前鐵板餐 $998pp❇️ 前菜三小點 Appetizer ❇️ 極上刺身 Premium Sashimi❇️ 海葡萄沙律 Sea Grape Salad❇️ 季節時合生蠔 Seasonal Fresh Oyster❇️ 鮮活南非鮑魚 South African Abalone❇️ 茶碗蒸Chawanmushi❇️ 鐵板燒日本野菜 Teppanyaki Grill Veggie❇️ 二選一1. 深海野生白鱈魚 Patagonian Toothfish2. 帝王虎蝦 King Prawn❇️ A4鹿兒島和牛薄切卷 A4 Kagoshima Wagyu roll❇️ 鐵板炒飯 Teppan Fried Rice❇️ 味噌湯 Miso Soup ❇️ 甜品 De
適逢朋友就黎生日，我地兩個梗係要食啲好野賀一賀佢🎂 都好耐冇食過日式鐵板燒，尖沙咀嘅三日月絕對係一個傾偈食好嘢幾好選擇。
鐵板燒嘅精髓就係廚師會係你面前將新鮮嘅材料烹調，而三日月嘅廚師除咗煮得好食擺盤精美之外，仲會同食客有好多交流，分享煮法、食材、食法等，超滿足嘅一餐！
☻ ☼ ☻ ☼ ☻ ☼ ☻ ☼ ☻ ☼ ☻ ☼ ☻ ☼ ☻ ☼ ☻
三日月A5宮崎和牛鮑魚一人前鐵板餐 $998pp
❇️ 前菜三小點 Appetizer
❇️ 極上刺身 Premium Sashimi
❇️ 海葡萄沙律 Sea Grape Salad
❇️ 季節時合生蠔 Seasonal Fresh Oyster
❇️ 鮮活南非鮑魚 South African Abalone
❇️ 茶碗蒸Chawanmushi
❇️ 鐵板燒日本野菜 Teppanyaki Grill Veggie
❇️ 二選一
1. 深海野生白鱈魚 Patagonian Toothfish
2. 帝王虎蝦 King Prawn
❇️ A4鹿兒島和牛薄切卷 A4 Kagoshima Wagyu roll
❇️ 鐵板炒飯 Teppan Fried Rice
❇️ 味噌湯 Miso Soup
❇️ 甜品 Dessert
☻ ☼ ☻ ☼ ☻ ☼ ☻ ☼ ☻ ☼ ☻ ☼ ☻ ☼ ☻ ☼ ☻
Bubu推介🔥
👍 帝王虎蝦
超大隻嘅帝王虎蝦，見住廚師將佢拆殼起肉，仲將虎蝦嘅內臟拆出嚟，好細心❤️蝦肉燒熟之後配上用蝦膏煮成嘅汁，每一啖都充滿蝦味。更以蝦鬚等壓薄再燒，成為脆口嘅件碟，絕對唔浪費任何可食用嘅食材。
👍 A4鹿兒島和牛薄切卷
A4和牛薄薄一片，雪花分布好靚，而且佈滿油脂，牛味濃郁。烹調呢味菜簡直係一個表演，廚師會問想要幾成熟，因為我哋揀咗三成熟，和牛一落鐵板好快都煮夠，再包住幾款野菜，令成個菜式唔油膩又有營養。
👍 鐵板炒飯
非一般嘅鐵板炒飯，材料有櫻花蝦、銀魚仔、木魚花，再加上梅子醬去炒。梅子醬有啲酸甜，再加上好有咬口嘅各款材料令成個炒飯嘅味道好有層次感。餐廳仲會送上鰹魚湯，可以將炒飯變成茶漬飯食法，另有一番風味。
📍三日月
尖沙咀金馬倫道23號金馬倫廣場2樓B號舖
张贴
