影片
更多
2023-04-05
122 浏览
雖然呢間日式居酒屋並唔係好多人流嘅主要街道，但成間居酒屋都坐滿晒人。而且咁啱隔離嗰台仲係日本人，喺度食飯可以感受到濃厚嘅日本氣氛，重點係樣樣嘢都好好食！重量級火焰原隻雞腿🍗🌟Fire Bird嘅名物，黎到一定要試下！佢嘅雞腿肉煮熟哂好容易離骨，但係肉質依然好滑，冇過熟，加埋少少辣又脆嘅雞皮，惹味又好食。特上牛肉串燒盛合🌟廚師推介嘅盛合，一共五串可以試勻四款牛同燒秋葵，有叫串燒必食嘅牛舌🌟，夠厚有口感。牛肉金菇卷🌟同牛肉壽喜燒串🌟加左菜係入面更加有口感又健康。最後一定要試日本產嘅A4和牛串🌟，肉質軟稔仲要好香嘅牛香。另外仲配左個日本蛋黃，點完牛肉更加滑。火山熔岩鮭魚卷🌟剩係個樣已經冇得頂，佢嘅三文魚係全熟嘅，唔食魚生嘅人都冇問題，加埋芝士味醬汁，配搭好夾好好味！原條日本產魷魚燒🌟啖啖肉之選，仲有魷魚燒到岩岩爭熟，食落仲好juicy同好稔。蟹味噌甲羅燒🌟最鍾意食嘅居酒屋小食，加左味噌比平時鹹少少，但加埋配搭嘅飯團岩岩好。Strawberry Yakult Cocktail🌟士多啤梨味酸酸微微好開胃，有少少清甜，仲要好靚岩哂打卡。Dream of Pink🌟上面有個夢幻嘅白色泡泡，岩哂打卡，
重量級火焰原隻雞腿🍗🌟
Fire Bird嘅名物，黎到一定要試下！佢嘅雞腿肉煮熟哂好容易離骨，但係肉質依然好滑，冇過熟，加埋少少辣又脆嘅雞皮，惹味又好食。
特上牛肉串燒盛合🌟
廚師推介嘅盛合，一共五串可以試勻四款牛同燒秋葵，有叫串燒必食嘅牛舌🌟，夠厚有口感。牛肉金菇卷🌟同牛肉壽喜燒串🌟加左菜係入面更加有口感又健康。最後一定要試日本產嘅A4和牛串🌟，肉質軟稔仲要好香嘅牛香。
另外仲配左個日本蛋黃，點完牛肉更加滑。
火山熔岩鮭魚卷🌟
剩係個樣已經冇得頂，佢嘅三文魚係全熟嘅，唔食魚生嘅人都冇問題，加埋芝士味醬汁，配搭好夾好好味！
原條日本產魷魚燒🌟
啖啖肉之選，仲有魷魚燒到岩岩爭熟，食落仲好juicy同好稔。
蟹味噌甲羅燒🌟
最鍾意食嘅居酒屋小食，加左味噌比平時鹹少少，但加埋配搭嘅飯團岩岩好。
Strawberry Yakult Cocktail🌟
士多啤梨味酸酸微微好開胃，有少少清甜，仲要好靚岩哂打卡。
Dream of Pink🌟
上面有個夢幻嘅白色泡泡，岩哂打卡，加左好多果汁都好酸甜開胃。
张贴
