舍利鮨 (已結業)

FB彈出之前去日本旅行既靚相相，我呢個旅遊精好想去日本呀。無得去旅行，唯有搵間好啲嘅日本餐廳止下癮，朋友就帶我去元朗既舍利鮨，店內裝修以簡約和風設計，好別緻，出面街外又見唔到餐廳入面，唔會好似比人眼望望甘。我地坐壽司吧枱，咁樣可以望住壽司師傅用心整壽司，師傅又可以簡單介紹佢既出品。海膽壽司，呢度既海膽係拍賣級數，食落真係鮮甜，真係落重本。剝皮魚+魚肝醬，都係高級野。由其係魚肝醬，非常香同埋肥美。深海池魚，新鮮，魚脂平均。呢度食材係日本魚市場每日直送到香港，質素有一定保證！