御千丼 (已結業)

喺屋企附近發現呢間日本丼飯店，店舖唔大，但多左一份溫馨嘅感覺，主要以刺身丼飯為主，外加一d自家製小食咁，丼飯價錢實惠，50幾蚊起就有個刺身丼😳我同朋友各嗌左個春日丼同三文魚拼呑拿魚碎丼，春日丼係三文魚加帶子，加$18可以跟餐，有沙律，湯同前菜。麵豉湯入便仲有料的🤤春日丼有4塊三文魚同2件帶子，用料好足好大塊，刺身鮮甜，咁嘅分量對女仔黎講應該好飽，而三文魚拼呑拿魚碎丼朋友表示好好食，送飯一流，不過太多太大碗食唔晒😂講埋雞皮餃子，用雞皮取代餃子皮，更加香脆同多左份雞油香，咬落去會爆汁！整體黎講co值真心高。