影片
以上资料只供参考，请与餐厅确认详情
今日去左剪头发整完已经夜晚老公收工过嚟接埋我就一齐去揾吓附近有冇嘢食🤤无意中见到巷仔入面有呢间日本菜舖头细细但系坐满晒人原本都想喺门口等位但最近天气实在太热🥵所以决定外卖返屋企食个Menu入面都好多款式拣热食嘅都有我同老公两个都叫咗同一款。返到屋企打开都忍唔住哗左一声😮呢个价钱估唔到有咁嘅质素！食得出鱼生都系新鲜嘅寿司饭温度啱啱好仲好软身！只虾又好甜！虽然细只咗啲🤤但系以呢个价钱嚟讲真系算好好👍🏻有机会嘅话一定会再返嚟食！
继续阅读
御千都唔系第一次黎，啱啱新开嘅时候就比呢间小店吸引，店面大概坐10多个人，但系服务同碗碟都好靓，又有日式嘅饮品今日天气都好热，所以我就带咗个松叶蟹，蟹籽沙律个沙律好大碟好足料，劲开胃🤤刺身一如既往都系好好味、鲜甜，佢个饭都系用日本米，好软绵绵。酱焗广岛蚝系用沙律酱再加芝士去焗，好好味。呢间小店真系要多啲帮衬啲嘢食好新鲜服务又周到，好过去连锁店💁🏻♀️食完餐饭已经好满足，为疲累的一天工作画了一个完美句号。
继续阅读
【大埔】御千丼 夏日热辣辣，小暑刚过，真系热到郁都唔想郁～🥵 咁热之际，要食返啲冻野降下温。😚今次食嘅刺身丼小店位于大埔美丰花园地舖，呢条巷仔细个去亲大埔泳池都会经过，好怀念。🤭御千丼主打刺身丼，亦有熟食及小食提供。刺身丼款式非常多，一律可加+$18转定食，最平嘅「御の丼」只需$58，价格亲民，价廉物美。😍✨酱烧三文鱼腩、酱烧帆立贝、火炙左口鱼边酱烧系列系餐厅热门食物，酱烧系用沙律酱及酱油淋面，再用火枪高温烧到微焦，三文鱼腩、左口鱼 等高油脂鱼类好适合酱烧，油脂更香！✨ 吞拿鱼蓉、珍宝赤虾、三文鱼、油甘鱼刺身肥美新鲜，油甘鱼仲好厚切，大满足🤤！吞拿鱼蓉味道浓厚而且唔会食到有阵雪味，个人非常推介。👍🏻✨御千丼 📍大埔翠乐街11号美丰花园地下15号舖
继续阅读
🌼 吞拿鱼碎海胆丼（HKD128）首先，选择了他们的招牌之一：吞拿鱼碎海胆丼。这道菜将新鲜的吞拿鱼和浓郁的海胆完美结合，层次分明的口感令人惊艳。每一口的海胆都散发著浓厚的海味，而吞拿鱼的鲜美则为整道菜增色不少。$128的价格相对合理，绝对物超所值。🌼 溋泉蛋鳗鱼丼（HKD98）接著，尝试了另一道看似平凡的溋泉蛋鳗鱼丼。不过，这道丼饭的味道绝对超乎想像。鳗鱼经过精心烹调，肉质鲜嫩多汁，搭配滑嫩的溋泉蛋，口感丰富。而且，酱汁浓郁却不腻口，让人回味无穷。价格方面，$98也是相当实惠的选择。🌼 水蜜桃梳打汽水（HKD23）在品尝美食的同时，还点了一杯水蜜桃梳打汽水作为饮料。这款汽水果香四溢，水蜜桃的甜味和梳打的清爽口感相得益彰，为整顿用餐增添了一丝清新的气息。价格只需$23，物美价廉。🌼 酱焗广岛蚝（HKD68）最后，品尝了这家店的另一道招牌菜酱焗广岛蚝。这道菜的特点是每人消费满$100就可以以$68换购。广岛蚝鲜美多汁，搭配酱料后更显美味。而且，蚝的大小也相当满意，实在是一道不容错过的美食。✨ 服务与环境御千丼是一家小店，也许正因为如此，他们的服务态度特别好。店员热情周到，满足了我对美食的渴望和期待。餐厅：御千丼地址：大埔翠乐街11号美丰花园地下15号舖
继续阅读
御千丼位于大埔一条后巷入面，主打寿司刺身鱼生饭。好多人都推介丼饭/鱼生饭，鱼生饭我就无食过，不过寿司就经常都会食，真系好高质，有时仲有海胆。由于店内位置唔多，我多数都系外卖（5分钟步行距离）。 今次叫左拖罗寿司拼盘C、剑鱼腩刺身同埋加拿大海胆。值得一提，御千丼寿司上面旧鱼系偏厚切嘅。 🍣拖罗寿司拼盘C三文鱼腩（两件）、海胆、鱼子、帆立贝、赤身、中拖罗、吞鱼碎及油甘鱼 🐟剑鱼腩刺身白雪雪，油脂感满满，肉质柔软，甜而不腻。 🇨🇦加拿大海胆挺身香甜，肉质丰厚肥美。海胆仲配有寿司饭、紫菜同埋青瓜。如果觉得净食咁多件海胆太邪恶嘅话可以自己砌返旧寿司出黎中和一下。
继续阅读