御千丼 (已結業)

今日去左剪頭髮整完已經夜晚老公收工過嚟接埋我就一齊去搵吓附近有冇嘢食🤤無意中見到巷仔入面有呢間日本菜舖頭細細但係坐滿晒人原本都想喺門口等位但最近天氣實在太熱🥵所以決定外賣返屋企食個Menu入面都好多款式揀熱食嘅都有我同老公兩個都叫咗同一款。返到屋企打開都忍唔住嘩左一聲😮呢個價錢估唔到有咁嘅質素！食得出魚生都係新鮮嘅壽司飯溫度啱啱好仲好軟身！隻蝦又好甜！雖然細隻咗啲🤤但係以呢個價錢嚟講真係算好好👍🏻有機會嘅話一定會再返嚟食！

御千都唔係第一次黎，啱啱新開嘅時候就比呢間小店吸引，店面大概坐10多個人，但係服務同碗碟都好靚，又有日式嘅飲品今日天氣都好熱，所以我就帶咗個松葉蟹，蟹籽沙律個沙律好大碟好足料，勁開胃🤤刺身一如既往都係好好味、鮮甜，佢個飯都係用日本米，好軟綿綿。醬焗廣島蠔係用沙律醬再加芝士去焗，好好味。呢間小店真係要多啲幫襯啲嘢食好新鮮服務又周到，好過去連鎖店💁🏻‍♀️食完餐飯已經好滿足，為疲累的一天工作畫了一個完美句號。

【大埔】御千丼 夏日熱辣辣，小暑剛過，真係熱到郁都唔想郁～🥵 咁熱之際，要食返啲凍野降下溫。😚今次食嘅刺身丼小店位於大埔美豐花園地舖，呢條巷仔細個去親大埔泳池都會經過，好懷念。🤭御千丼主打刺身丼，亦有熟食及小食提供。刺身丼款式非常多，一律可加+$18轉定食，最平嘅「御の丼」只需$58，價格親民，價廉物美。😍✨醬燒三文魚腩、醬燒帆立貝、火炙左口魚邊醬燒系列係餐廳熱門食物，醬燒係用沙律醬及醬油淋面，再用火槍高溫燒到微焦，三文魚腩、左口魚 等高油脂魚類好適合醬燒，油脂更香！✨ 吞拿魚蓉、珍寶赤蝦、三文魚、油甘魚刺身肥美新鮮，油甘魚仲好厚切，大滿足🤤！吞拿魚蓉味道濃厚而且唔會食到有陣雪味，個人非常推介。👍🏻✨御千丼 📍大埔翠樂街11號美豐花園地下15號舖

🌼 吞拿魚碎海膽丼（HKD128）首先，選擇了他們的招牌之一：吞拿魚碎海膽丼。這道菜將新鮮的吞拿魚和濃郁的海膽完美結合，層次分明的口感令人驚艷。每一口的海膽都散發著濃厚的海味，而吞拿魚的鮮美則為整道菜增色不少。$128的價格相對合理，絕對物超所值。🌼 溋泉蛋鰻魚丼（HKD98）接著，嚐試了另一道看似平凡的溋泉蛋鰻魚丼。不過，這道丼飯的味道絕對超乎想像。鰻魚經過精心烹調，肉質鮮嫩多汁，搭配滑嫩的溋泉蛋，口感豐富。而且，醬汁濃郁卻不膩口，讓人回味無窮。價格方面，$98也是相當實惠的選擇。🌼 水蜜桃梳打汽水（HKD23）在品嚐美食的同時，還點了一杯水蜜桃梳打汽水作為飲料。這款汽水果香四溢，水蜜桃的甜味和梳打的清爽口感相得益彰，為整頓用餐增添了一絲清新的氣息。價格只需$23，物美價廉。🌼 醬焗廣島蠔（HKD68）最後，品嚐了這家店的另一道招牌菜醬焗廣島蠔。這道菜的特點是每人消費滿$100就可以以$68換購。廣島蠔鮮美多汁，搭配醬料後更顯美味。而且，蠔的大小也相當滿意，實在是一道不容錯過的美食。✨ 服務與環境御千丼是一家小店，也許正因為如此，他們的服務態度特別好。店員熱情周到，滿足了我對美食的渴

御千丼位於大埔一條後巷入面，主打壽司刺身魚生飯。好多人都推介丼飯/魚生飯，魚生飯我就無食過，不過壽司就經常都會食，真係好高質，有時仲有海膽。由於店內位置唔多，我多數都係外賣（5分鐘步行距離）。 今次叫左拖羅壽司拼盤C、劍魚腩刺身同埋加拿大海膽。值得一提，御千丼壽司上面舊魚係偏厚切嘅。 🍣拖羅壽司拼盤C三文魚腩（兩件）、海膽、魚子、帆立貝、赤身、中拖羅、吞魚碎及油甘魚 🐟劍魚腩刺身白雪雪，油脂感滿滿，肉質柔軟，甜而不膩。 🇨🇦加拿大海膽挺身香甜，肉質豐厚肥美。海膽仲配有壽司飯、紫菜同埋青瓜。如果覺得淨食咁多件海膽太邪惡嘅話可以自己砌返舊壽司出黎中和一下。

呢間大埔嘅丼飯黃店係喺Mee無意中搵到，小店環境比較細，坐落比較逼，但CP值真係超～～高，$100有找就食到好食嘅丼飯，仲要唔使加一，強烈推薦大家試吓💛 佢哋有唔同嘅丼飯組合可以選擇，餐牌上仲會寫埋各種刺身嘅份量畀你參考，呢點好貼心👍🏻 唔啱心水嘅話仲可以揀自選丼飯，任揀3款或以上刺身🤤 呢間我哋一定會翻兜㗎喇，好食嘅小店必須撐🙌🏻▪️特盛火炙丼 $98▪️有三文魚3片+帆立貝2隻+玉子3片+蟹棒1條～刺身上面加咗芝士同照燒汁，然後用火槍燒過，真係勁香勁吸引😍 $100有找就食到咁多餸嘅丼飯，會唔會太抵！不過略嫌啲壽司飯有少少一舊舊咁，改善埋呢個問題就perfect💛▪️三文魚帆立貝海膽丼 $138▪️有三文魚4片+ 帆立貝2隻+海膽1份～三文魚係厚切嘅，食落都幾肥美！帆立貝同海膽都超新鮮，海膽好鮮甜一啲都唔腥/苦🤤▪️三文魚刺身 $28▪️堂食消費滿$100就可以用優惠價叫小食～我哋見三文魚刺身咁平就忍唔住叫埋🤣，點知$28竟然有5片厚切嘅三文魚，係厚切‼️呢個真係超抵食，一定要叫😍▪️炸雞軟骨 $48▪️即叫即炸食到我哋停唔到口🤤，記得食嗰陣蘸埋佢哋個醬！▪️湯、前菜、沙律 (+$18)▪️前菜嘅蜆肉同

我從來唔寫食評，但因為第五波疫情，知道食肆好難捱，所以真心希望大家多多支持好食既小店！😗之前食過魚生飯，抵食得嚟料足又新鮮，今次晚市冇堂食，外賣左鰻魚玉子便當、煙燻牛舌丼同雞皮餃子！便當除左飯，仲有味附螺肉、沙律、壽司薑片、味噌湯同漬蘿蔔，好豐富！鰻魚味道剛好😋😋唔會太鹹太濃味，而個牛舌丼真係好有日本風味，同上次去日本食既一樣！雞皮餃好煙韌，冇點個醬都好味～！但冇影到相🙉總結嚟講，推薦大家去試良心小店😗

呢間日本野係favourite 之一👍🏻新鮮好味 lunch抵食😋 今日叫左外賣食 第一次食佢既角切丼 三文魚粒有油脂唔會太瘦 啲飯多到我食唔曬😂八爪魚又有咬口 係啲飯有啲啲一舊舊 但整體係好好食～7.5/10⭐️

有帶大家返到大埔大家都知道呢一區其實有好多嘢食亞洲西方本地乜嘢嘢食都有簡單至車仔 玩大啲嘅打邊爐韓國燒烤乜都有今晚就食一間瑟縮喺後行嘅日本店舖(外賣)兩個魚生飯 壽司同埋魚生都係厚切 新鮮又滿足特別要講講一度嘅壽司飯 因為佢嘅Lim口程度同埋壽司醋嘅份量攞得啱啱好 除咗味道之外結實程度都非常之好唔似一般嗰啲壽司店一夾落去飯都散埋 令人失落嗰度可以糖食但係位置很少 十足十日本居酒屋嘅感覺 所以有興趣堂食嘅不妨早啲打電話去訂位

本身想食壽司郎，點知連飛都拎唔到😢但我又真係好想食日本嘢，所以諗起咗御千丼🥰我哋一人叫咗一個飯，啲餸都係share食嘅🤣其中一個係醬燒魚脂丼 ($58)～睇字都知道啲魚係好多魚油😂燒一燒啲魚油更突出，令啲飯都有油脂香味🤤另一個係自選丼 (劍魚腩、馬刀貝、吞拿魚碎、帆立貝 $178)～我個人比較奄尖，想揀啲自己鍾意嘅貝類，馬刀貝唔係好大塊，不過好爽～帆立貝非常鮮甜😋劍魚腩都幾肥美，如果大件啲更好🤤吞拿魚蓉顏色比較淡，但份量好多，都好肥美！最鍾意食啲油脂多啲壽司，左口魚邊幾乎係no. 1～火炙左口魚邊壽司 ($20/件) 塊魚仲要好厚，所以一入口油脂大爆發🤣超好食！炸雞軟骨 ($48) 都有驚喜，炸衣唔會好厚，個調味適中，唔會過鹹，好似有啲椒鹽feel～以下呢三樣都係消費滿每$100可以優惠價加配，珍寶赤蝦 (消費滿$100加$48) 嚟講我覺得佢唔算話最鮮甜，不過蝦頭都有啲膏啜吓🤣本身焗三文魚鮫 (消費滿$100加$38) 冇咩調味，如果可以加多少少鹽去焗會令鮮味突出啲🤣三文魚刺身 (消費滿$100加$28) 有五塊，正常水準～小店位置唔多，大約只得十個位，如果想堂食最好留個位🤣見到有好

之前一直住這區，己經不停食食食。雖然現在已經搬走了，但這區的美食，又點會跟我走喎，一於走返嚟，繼續尋好嘢食。這間店舖逢星期一休息，千萬別摸門釘。店舖內不是太多位坐，約有16個，但環境舒適，最重要係食物質素好。今次點了三文魚蝦海膽丼加升定食，有前菜湯同沙律，老公就要三文魚腩油甘魚吞拿魚碎。

御千丼位於大埔區，一個唔起眼既巷仔入面，裏面座位唔多, 得四張枱左右，坐到10-12個人，有少少迫！.今日我地叫左兩個丼飯丼飯+$18可轉定食。定食包括，味噌湯、前菜及沙律。沙律菜🥗新鮮, 加左啲醋，酸酸地幾清新開胃。螺肉份量都算多。味噌湯好足料，有昆布、豆腐仲有蜆肉，味道豐富，唔會太鹹。.📌火炙四式丼（$98）丼入面有玉子燒、三文魚、蟹棒同帶子，全部都用火槍🔥燒過，一上枱就聞到香味！火炙過嘅刺身，魚味更加突出! 配上蔥、醬汁同埋沙律醬，食落油脂感豐富👍🏾 玉子厚切! 蟹棒唔會一咬就散! 帶子超新鮮，好鮮甜厚肉! 最重要係佢份量好足好大碗! 男人都好夠食😍.📌吞拿魚碎海膽丼 $128吞拿魚蓉入口即溶，質感軟綿綿，食落香口肥美！珍珠飯🍚軟硬適中，夾雜醋香，將吞拿魚蓉同壽司醋飯，加入wasabi同豉油好好拌勻，好好食🤤😍 但海膽唔建議混入飯中，原口海膽配上青瓜🥒入口，海膽鮮甜唔腥，好新鮮。丼飯仲配有黃瓜同薑，可以清清味蕾。.📌蒜香一口牛 $58蒜片都幾多，好香蒜味；牛肉粒係一口size，好方便食，食落好juicy，有牛肉汁。味道甜甜哋幾惹味。.總結嚟緊，店員好有禮貌好好服務。雖然店舖細啲，

是咁的，尋日收工邊有啲準時，所以夜晚就返咗大埔食飯，之前一直聽同事講大埔嗰間御千丼好好食，咁收工不妨try try, 因為比較近太和火車站嗰邊， 太和消防局對面，行咗一轉都搵唔到，原來係走過龍，所以就話轉角遇到御千丼就係咁解，本身我就係以為得外賣，去到先知原來有堂食，地方唔係好大，不過冇乜人，所以就揀咗中間黎坐，裏面裝修有日港混合嘅風格，點左兩個丼，一個吞拿魚茸甜蝦茸海膽，一個醬燒三文魚甜蝦茸三文魚子，海膽個冇乜點食我就唔太多講，不過女朋友話啲海膽好新鮮，我食嗰個醬燒三文魚，醬汁味唔會太濃，食落油脂感覺豐富，甜蝦茸夠特別，出去好少食到，鍾意食甜蝦嘅你一定要試吓，三文魚子圓潤飽滿，鹹味比較重，整體刺身嘅部份都好出色，有少少扣分為嘅就係個飯，佢壽司飯嗰陣味好夠嘅，本人略嫌煲得過咗火，冇咗壽司飯分明嘅感覺，可能嗰日有少少失準，之後都單點到三文魚刺身，件件都我厚實直得一試，總括嚟講位置有啲隱蔽，如果係正街，一定唔會好忙，完。

魚生非常新鮮，尤其海膽，新鮮程度比得上高級餐廳，好喜歡don 既味道，其他地方食唔到。根據份量同味道，絕對抵過連鎖店元x。良心小店要大家支持，如果住得近，可以外賣！

出到九龍區食丼飯通常都唔平～而大埔呢間小店都相對價廉物美，搞到我成日都返去食，就快食到變飯堂🤣我每次必點就係呢個火炙四式丼（$98）佢入面有玉子燒、三文魚、帶子同埋蟹柳～ 火炙過嘅魚甜配上蔥同埋醬汁根本就冇得輸👍🏻 佢呢度嘅帶子同三文魚都超級新鮮，份量又唔少，所以食完真係好滿足☺️如果同朋友一齊食夠$200，我哋通常都會加$98要份海膽☺️ 份量真係非常多，配埋飯一齊食真係一流！誠意大家多多支持佢，佢嘅小食例如雞皮餃子都好邪惡好出色！