琥酌 (已結業)

朋友約我食生日飯，今次去太子牛吉列居酒屋🏮呢餐實在太好味，一定要喺OpenRice寫出嚟🤣最近呢一區比較安靜，人少少都幾舒服😌門面睇呢間餐廳幾有feel，入去裝修亦都好靚，好有日本嘅居酒屋感覺。服務員好細心咁介紹我哋菜式，呢度嘅餐牌做得幾靚，有設計，見到菜單上嘅相都已經覺得好吸引。吉列和牛薯餅佢一上枱就覺得好香，趁住佢熱辣辣即刻食，賣相好靚，咬落去即刻覺得自己去咗日本咁，外面好香脆，入面係紮實嘅薯蓉同埋牛柳粒。頂級安格斯牛吉列御膳 $368店員預先已經將石爐同埋醬料放喺我哋枱前面，吉列牛一上枱個賣相已經好吸引。吉列牛嘅脂肪分布平均，再用石爐可以自己控制每一塊牛嘅成熟度，以我嘅經驗10至15秒就OK啦，唔好太熟太硬，食落去啱啱好！牛味好濃郁，只需要加少少鹽就好好味啦。琥酌丼 $118用鋪頭名嘅命名嘅琥酌丼，個名好吸引，你都先知道係黃牛同埋安格斯牛肉粒再加上自製嘅醬汁而成嘅丼，攪拌均勻之可品嚐，有好香的黑松露味道😍嘩，呢個不得了呀。整體來講呢間餐廳真係唔錯，服務好食物質素有高，背景音樂仲係播住我最鍾意嘅日本歌，有機會會再帶朋友嚟食多次。