Wagyu Ya (已結業)

高質和牛燒肉！黑松露牛油果沙律香濃嘅黑松露配上牛油果意想不到嘅夾，而沙律菜加埋酸甜醬汁，好開胃，整體配搭完全唔膩吖。牛西冷嘅油花比例啱啱好，入口時肉同油花配搭完美。牛肩胛嘅肉味比較濃，肉感比較好。牛肉眼嘅油花比較多，但唔會有肥膩感。牛舌嘅肉質厚實得嚟又爽口彈牙。除咗可以食牛肉嘅原味道外，仲有另外三款汁料配襯，另有一番味道。一口海膽多士海膽足料新鮮，加上多士，鮮甜肥美。最後食咗咁多肉，飲番啖茶解一下膩，剛剛好！