Steak Bar (已搬遷) 新店位置

吉列牛絕對唔係新野啦～由日本開始hit到而家，但係一直都無機會去試，撞岩見到呢間steak bar，一於試下佢～吉列炸牛扒$188吉列豬扒食得多，又估唔到炸牛扒口感都唔錯，比起豬扒更加嫩滑多肉汁，牛扒先成塊炸完再切片，再比個爐你隨你燒到幾熟，初時仲以為燒完個炸皮會唔脆，估唔到唔會喎，我諗最大原因係個爐仔細細但傳熱好好！一路炸炸聲咁。牛肉質素又幾好，值得一試～頂級板腱牛扒$215 如果怕熱氣唔想食炸牛扒，我會推薦呢個頂級板腱牛扒～板腱位係牛嘅肩胛部，肉質會比較有彈性，油花會豐富d，牛味好濃～中間會有條筋，唔想𡁻可以避開佢黎切。同蒜鹽係絕配呢～！