更多
2025-05-03
8 浏览
今日嚟到位於灣仔附近嘅駿景軒食飯,餐廳地理位置好方便。餐廳嘅樓底好高,佈置亦都好優雅,令人用餐嘅時候覺得好舒適。瓦罉焗胡椒蝦每一隻蝦都好大隻,外皮焗得好香脆,蝦肉醃製得非常入味,入口有香濃嘅胡椒味,亦都唔會覺得好辛辣。粟米鱈魚球魚球經過煎香之後,再沾上粟米醬,魚肉爽口彈牙,入口鮮甜可口,完全唔會覺得腥。安格斯牛肉石鍋炒飯依一個炒飯非常之有特色,炒飯唔會炒得太過油膩,飯粒粒粒分明,加上用石鍋烹調,可以做到有飯焦嘅效果。百花炸釀松葉蟹鉗蟹鉗非常之大隻,外皮炸得好香脆,入口唔會覺得太過油膩。整體嚟講,今餐嘅食物質素非常之高,我最欣賞嘅係佢哋嘅胡椒蝦,製作非常用心。
张贴