影片
更多
2022-07-03
1049 浏览
聞說沙田18嘅片皮鴨好好食，所以今日專登同屋企人嚟食lunch順便慶祝生日。首先開咗兩壺茶，一壺係普洱、另一壺係鐵觀音。茶錢$23位。如果叫龍井就$28位。呢度服務都唔錯，服務員成日過嚟幫我哋斟茶。👍🏻扁皮鴨方面，我哋揀咗三食。包括扁皮鴨、鴨鬆及鴨湯。走嘅時候仲打包左鴨殼，返屋企煲湯煲粥都好食😋價錢好好意頭，合共$888。扁皮鴨都有三個食法：首先會上鴨皮，建議鴨皮同砂糖一齊食，話會入口即溶。砂糖的而且確入口即溶，鴨皮油脂感十足，烤得好脆。上網睇原來呢個係傳統食法嚟㗎。第二個食法比較傳統。就係將鴨肉加埋蒽同青瓜，加上甜醬同蒜蓉，用傳統餅皮包嚟食。我覺得個驚喜位係蒜蓉，加埋落去令鴨肉味道更濃烈。第三個食法係鴨腿肉。呢個食法比較常見，沙田18嘅扁皮鴨真係冇得頂，鴨腿肉有彈性有肉汁，連埋脆皮一齊食，口感多元化。二食係用生菜包鴨鬆食。鴨鬆調味恰到好處，非常惹味，包上新鮮嘅生菜，平衡味道。三食係鴨湯。味道尚可，但我覺得如果裏面有鴨肉會更加好食。整體來講，呢度嘅片皮鴨質素好好。下次再嚟會再試二食。
首先開咗兩壺茶，一壺係普洱、另一壺係鐵觀音。茶錢$23位。如果叫龍井就$28位。
呢度服務都唔錯，服務員成日過嚟幫我哋斟茶。👍🏻
扁皮鴨方面，我哋揀咗三食。包括扁皮鴨、鴨鬆及鴨湯。走嘅時候仲打包左鴨殼，返屋企煲湯煲粥都好食😋價錢好好意頭，合共$888。
扁皮鴨都有三個食法：
首先會上鴨皮，建議鴨皮同砂糖一齊食，話會入口即溶。砂糖的而且確入口即溶，鴨皮油脂感十足，烤得好脆。上網睇原來呢個係傳統食法嚟㗎。
第二個食法比較傳統。就係將鴨肉加埋蒽同青瓜，加上甜醬同蒜蓉，用傳統餅皮包嚟食。我覺得個驚喜位係蒜蓉，加埋落去令鴨肉味道更濃烈。
第三個食法係鴨腿肉。呢個食法比較常見，沙田18嘅扁皮鴨真係冇得頂，鴨腿肉有彈性有肉汁，連埋脆皮一齊食，口感多元化。
二食係用生菜包鴨鬆食。
鴨鬆調味恰到好處，非常惹味，包上新鮮嘅生菜，平衡味道。
三食係鴨湯。味道尚可，但我覺得如果裏面有鴨肉會更加好食。
整體來講，呢度嘅片皮鴨質素好好。下次再嚟會再試二食。
张贴
