湘舍壹號

营业中

休息中

今日同朋友去咗灣仔高級地段嘅 ，「湘舍壹號」，呢間湘菜館位於華美粵海酒店1樓，裝修華麗，仲有私人包廂，私隱度極高，啱晒商務飯局或者想靜靜哋食餐好嘅朋友！佢哋嘅午市套餐性價比高，$398/兩位，可以試到多款正宗湖南風味，仲有特色主食青稞餅，即刻同大家分享下！ 前菜-拍黃瓜一陣陣蒜香同辣椒香，黃瓜醃得入味，微辣帶酸，好開胃！湯品-筒子骨燉湖藕呢個湯真係不得了！用咗湖北蓮藕同筒子骨慢火熬製，蓮藕燉到入口即熔，湯底清甜得嚟帶少少骨香，仲有個小蠟燭熱住，保持溫度，飲落暖笠笠，真係超正！ 主菜-18秒牛肉牛肉切到超薄，師傅只炒18秒，入口嫩滑,加咗芫荽同蒜片爆炒，鑊氣十足，辣度適中，送飯一流！小菜-砂鍋虎皮豆腐豆腐先炸後燉，外皮微脆，內裡滑溜，吸滿咗濃郁醬汁，仲有啲肉碎同青椒提味，撈飯食真係無得輸！時蔬-炒椰菜簡單嘅炒椰菜都可以炒得咁出色！菜葉爽脆，蒜香十足，鑊氣夠。主食-青稞餅驚喜位！青稞餅係湖南傳統主食，外皮帶麥香味，內裡小米煙韌，配牛肉一齊食，風味更突出！甜品-紅棗冰糖燉雪耳最後來一碗滋潤又解辣，燉雪耳完美收尾。 總括來講，餐廳地理優越，裝修華麗，服務殷勤，私隱度極高，味道正宗，價錢合理。