潮牛莊火鍋 (已結業)

本身諗住黎呢到食佢出名嘅騸牯牛，點知撞正前排豬瘟，所以屠房唔開，無得食本地嘅牛肉同豬肉，不過一場黎到，唯有食其他野啦你可以揀一個大鍋或者一人一鍋，唔洗爭，我地就揀咗一人一鍋，價錢平啲，又可以試兩款湯底，朋友揀咗最平凡但又好味嘅青紅蘿蔔牛蹄鍋，而我就揀咗花膠人蔘雞鍋，唔好以為一人一鍋個湯底就會好稀，相反佢係超足料!!!未落其他打邊爐嘅食材，個鍋已經好滿喇，店員仲建議我地可以先飲下啲湯，因為係真材實料熬製，青紅蘿蔔牛蹄鍋就好清甜，唔會太鹹，而我嗰個花膠人蔘雞鍋，就有淡淡回甘嘅人蔘味，最重要係有舊彈牙嘅花膠，真係唔錯由於無本地牛，所以只好叫番特級美國雪花肥牛，一片片嘅雪花肥牛掛住係木棍上面，而且油脂分佈成雪花紋理，賣相係幾吸引。牛肉其實都唔洗煮太耐，店員話大概5秒就好食喇，如果唔係就會浪費件牛肉，所以依照佢嘅指示，灼大概5秒，呢個牛肉係幾嫩，仲食到牛香，無得食特別嘅騸牯牛，都唔洗傷心雖然話屠房無開，但係餐廳都仲有少量存貨，我地可以嗌到牛脷同牛白肉。牛脷幾薄身，同樣地唔洗灼太耐，食落質感微微帶點爽口，份量都適中，幾好好~ 另外牛白肉呈奶白色，但係佢唔係肥膏黎，而牛胸附近嘅肉黎，灼熟後，牛白肉會