潮牛莊火鍋

营业中

休息中

朋友請我食生日飯，去咗潮牛莊🐂我之前嚟過三至四次，覺得呢間質素同服務都好好。今次嚟到都係一人一鍋，叫咗青紅蘿蔔牛蹄湯🥕🐂同花膠人參雞湯🐔我一直覺得呢度嘅火鍋湯底先係主角，每一次打完邊爐都會飲曬🍲牛蹄充滿骨膠原，食完之後嘴唇會有啲黏口嘅感覺。人參雞湯嘅人參味好出，亦都可以見到有兩件花膠同一條好長嘅人參，足料。呢度嘅湯底就算當係老火湯都不為過🍲兩個人我例牌嗌咗一碟大嘅雙拼騸牯牛🥩，牛頸脊加爪邊。質素依然係冇得頂，同食和牛唔同，打邊爐主要係食肉味，呢度嘅牛打邊爐滾五至八秒，食嘅時候係淺粉紅色，唔會入口即溶，但越嚼越香，但又唔會起渣，都係嫩口。牛頸脊比較腍滑而找邊就比較有嚼勁。$529一碟大概各8-10塊，價錢略貴但質素上乘。如果嫌價錢貴可以唔叫依度既騸牯牛，佢其他食物其實價錢唔算太貴但保持到質素，例如五寶丸（有🐂🦐🐖🐟🐙），都係120蚊10粒，食落就知真材實料，單從紋理外觀就睇得出真係手打，同坊間任食邊爐唔同，尤其係蝦丸🦐，食落啖啖蝦肉。另外就叫咗牛下巴🐮，其他地方少見，食過有啲似花膠，都好漿口同骨膠原feel。兩個人最後埋單1200，都算飽肚，冇其他評論食到咁貴。呢度醬料費收28蚊一個人，

5人飯聚，牛肉爪邊味道一般，無咩牛味，明明是大size ，成4百幾蚊碟但份量好少，每人只分到2塊細細。另外再叫左一牛頸脊，又係大size 4百幾。份量一樣少，但肉好味。配料選擇很多，蝦滑墨魚滑份量極少，我以為自己食緊魚子醬。魚皮餃好難食。因為是一人一鍋，我們每人可以選擇不同湯底，我叫了椰子雞鍋，一羅黎我嘗試了一啖湯，湯的味道很怪，不是純椰子雞湯，唔知佢落咗啲咩，可能係味精。埋單3千幾，冇叫酒，飲品只係叫過兩支竹蔗茅根水。甘都食左3千幾，每人7百幾。完成唔值。好處是他服務很好。亦沒有限時間，我們坐到11點幾。

朋友介紹我去嘅火鍋店, 果然系好介紹,呢間牛肉有好多款選擇,我自己就非常喜歡牛喉管好味道, 另外韭菜餃子和其他食材都非常滿意,而且地方好坐,會再和朋友家人去食, 如果人多d 可以再試埋佢其他食材。

第一次試一人一煱生日飯,唔知食乜好,最後都係打邊爐啦,不過今次就試下一人一煱,唔使就大家口味,同埋一齊洗筷子😅呢度超過10種湯底,必有一款啱你口味,我當然揀麻辣湯底,比坊間一般麻辣湯底更足料,中度麻辣已過足癮😍用牛做招牌,牛當然冇令到我地失望👍最有驚喜係海鮮,貴妃蚌.魷魚筒.花甲都非常新鲜,要再encore.手打黑松露蝦丸又係必食,小食百花油條.炸墨魚餅.雞軟骨等等都好掂.環境舒適,有屏風隔住,增加私隱度,通風系統都做得好好,打完邊爐唔會成身一陣味.最值得讚嘅係服務,唔該前唔該後,收銀又多謝前多謝後,仲要記得你叫咩名下次再見😄喺香港真係好耐冇見過咁好嘅服務啦👍👍一間用心經營嘅餐廳,值得推介俾大家🍻

食過甘多間 呢間最好食 牛超正 地方乾淨 好服務 下次一定再幫襯 老闆好親切 員工好有禮貌 同笑容 😊 食物多選擇 樣樣新鮮 牛必食 今日擇左爪邊拼封門柳 老闆介紹封門柳 兩樣都好有牛味 出面未必間間食到 👍🏻👍🏻👍🏻👍🏻依家疫情關係 可以一人一爐 太好喇 餐後還有班蘭意大利奶凍 免費奉上 😋😋😋好開心一個晚上😊😊

知唔知打邊爐最重要的係乜嘢，最重要令人記得佢，牛是靚的但分量太小，湯是靚的但打到最後個湯的味道只有咸味，裝修是新的可能都開了不久，酒水方面超市可隨便就買到，牛點靚是手工切騸古牛不同部位，牛我們叫了兩碟價錢每碟三百幾銀。湯靚飲不出來沒什麼特別一窩二百多銀。也吃了豬肉，價錢百多銀。牛心定要百多銀。超值的蔬菜拼盒最平。酒水三百幾文錢。也叫了竹笙，牛骨水，醬油費及仲要加一服務費，加到最後買單兩人份二千多，所以最令人記得一個字貴！

食物沒特別出色，6人座長枱打邊爐不方便，還是圓枱好一點。餐廳偏靜，傾計適合但價錢偏貴。一人一鍋，每人選了不同湯底，湯底屬 ok. 未見那一個特別好味，未必會再來。如想一人一鍋，環境是可以的。服務ok

知道呢間食店好耐,但之前一直想去試吓佢哋D午市清湯腩都無機會,反而今次同老婆機玄巧合下去食咗個火鍋晚餐。結果喜出望外!超正!但由於當晚得我同老婆兩個人所以食到嘅嘢有限,希望大家見諒。環境非常之好！地方乾淨座位舒適已經好加分!員工服務態度極好同埋非常helpful, 用餐經驗一流!呢度出名食靚牛,所以都必然要食吓!一試之下果然有料到!爪邊有D似牛頸脊,入口即溶!油脂分佈平均,正!金錢展有肉味有口感!我個人認為好食過爪邊,不過老婆覺得爪邊滑D好食D。所以口味嘅嘢各有所好,各位朋友自己試下評論下。但兩樣都非常高質!脆肉鯇魚片夠鮮甜爽口,好味!丸類同餃子都非常高質! 老婆比極高評分!最後尾呢個響玲點解要放到最後先至講呢？咪就係因為真係好食到不得了囉!真係做到入口即化,極之爽脆!絕對係小弟做咗幾十年人嘅人生之中食過最正嘅響玲!堅係一試難忘!正正正!不得了呀~!總括講呢間食店環境舒服,員工服務到位,仲要食材高質,一流呀!一定會再幫襯!

打邊爐最緊要就係材料新鮮，呢間火鍋店做得到，但係價錢比較貴，特別係牛，因為老闆係娛樂公司嘅老闆，所以都有好多明星去食，加上有房，所以都有好多人專登去試吓，一人一鍋，食得比較安心，而家疫情之下，感覺比較良好，但係事實上火鍋來講，算係中上價錢，諗住食平價火鍋，呢度一定唔係啦，仲有呢度款式唔算多，呢個係敗筆，因為打邊爐梗係想食多啲唔同嘅款式啦，竟然款式咁少，大家不妨試吓麻辣，因為算係唔錯，我同一個內地朋友去試，佢都話味道不錯，我信佢

朋友介紹這裏的牛腩很出色，就慕名而來。上來後才發現原來這裏是火鍋店，牛腩粉麵飯只是午市的菜單。我和朋友點了招牌清湯爽腩飯，清湯崩沙腩河粉和炸魚皮清湯爽腩飯肉質柔軟，膠質口感略帶煙韌，咬起來非常爽口。清湯很香，蘿蔔亦很鮮甜，但可能我們去的時間尚早，所以未夠入味！清湯崩沙腩河粉肉質也很柔軟，塊薄膜爽軟不硬！食湯河就不能沒有辣椒油，這裏的辣椒油一絕，非常香！🤤炸魚皮不多説了，香脆到吃不停下次必定會再來試試其他和火鍋

已經唔係第一次黎。一定叫嘅除咗牛之外，係象拔蚌非常新鮮，絕對係剌身級牛，就唔使講，一個字「正」7秒上水，即刻入口 😋😋😋最有趣係呢個 ... 炸午餐肉太 邪 惡 喇 😆一份錢，一份貨嘅開飯好去處！

朋友傾計講講起呢間潮汕牛，咪去試下囉，星期2既晚上7:30去到，一入去：「唔係呀麻！無人既」無人都唔緊要啦～～最緊要好食我黎到，我d朋友已經食緊，d服務員服務都ok,問你要唔要加咩牛肉，其實佢地一推介，我哋會都落單最後3個人，埋單2700幾$，真係火鍋黎講，叫貴，好恨貴不過d牛肉係唔錯，但值唔值呢個價就見人見智啦埋單見禁貴，咪厚面皮問吓有冇「折」，點知個個好似高級小小女服務員，一句：無折，我地公司股東，大老闆黎都無折講到勁巴閉，我心諗：唔使禁囂張既，你老闆，股東黎食當然無折啦，因為比既錢最後營利，都係落佢地袋啦⋯⋯而家禁既時勢，使唔使企禁硬呀最後：點都係無折，都無咩所謂，我咪叫佢提議下：老闆，日後比d折扣客人啦，客人先會再帶朋友黎囉而家禁多牛肉火鍋店，你地唔使禁串既，我食完呢次就真係唔會再去啦，幾好食既牛都係禁話，太貴了，大家食可能選中午時間，可能抵d,晚上人均要成1000$，我寧願食日式或加多小小錢食中價位omakase 囉不過我去廁所時，經過走朗，見到老闆同好多明星影相，可能好多明星去所以唔愁無生意卦！

今晚想食潮汕牛火鍋, 諗起朋友介紹呢間, 所以即日打黎book 檯, 成功book 到😁book 左7點, 6點55分黎到, 成個場都無人, 有d 驚😂火鍋湯底可選一人一鍋/ 大鍋, 一人一鍋每個大約45~70蚊, 用檯面的電磁爐, 大鍋每個大約250蚊, 大鍋兩款湯要加30蚊, 用gas 爐,咁我地決定揀一人一鍋, 可揀自己嘅口味, 又衛生😊揀左桃膠烏雞湯同或者參花膠雞湯,味道清淡, 雖不及台式鍋嘅香濃, 但湯料果醬足!~到大約7點半, 好多book 左檯嘅食客都到了, 原來唔係無客, 只係大家都較遲食晚飯!叫左中size 嘅牛頸脊, 份量都好多😆好香濃嘅牛肉味! 正!口感適中, 第一次黎試嘅, 推介👍🏻仲叫左蓮藕,脆魚片: 新鮮, 不錯牛喉嚨: 好重香料味, 口感是肉連帶軟骨, 好爽脆!黑柏葉: 爽五寶丸: 牛丸(鮮牛肉, 味濃), 蝦丸(味道香濃), 墨魚丸(美孚般), 鯪魚丸(好普通), 梅花豬肉丸(好味道!)2人, 6碟菜, 1支天地一號, 醬汁要收費, 埋單1000蚊, 推介😬👍🏻👍🏻👍🏻

幾次行經金馬倫道金馬倫廣場都沒有意欲上樓用膳，原因是，門口細，沒有留意樓上有食店，而且樓下招牌寫火煱，個人沒有太大興趣，因為看到網台介紹此店，完勝九記牛腩，忍不住即刻來試試，果然沒有失望，而且驚喜，完全唔知一間火鍋店，居然有牛腩麵飯午餐，其牛坑腩做得非常好食，咖喱味濃郁，沒有用椰汁，全用香料，中辣，餸飯一流。另一個清湯豬碲筋飯，湯味香濃，好飲不在話下，蘿蔔入味通透，豬碲筋很少地方有得食，肉滑筋軟，不可錯過，值得推薦！

首先碗野已經得三粒甩皮甩骨牛腩。。未有衝動影佢相。。但無諗過重要起渣 浪費食物浪費我quota 重要我打80字都要話比人知佢幾咁唔抵食同我有幾嬲。。難食好食兩個字 只有嬲先會打咁多字