醉月 (已結業)

📍醉月 (銅鑼灣)試試利園新開嘅日本料理。佢哋有omakase，亦都有鐵板燒。💕Dinner Omakase - 月 $1680前菜 刺身五點季節の料理品寿司6貫椀物デザート💕前菜：水雲菜、水果番茄、螢光魷魚、東風螺水雲菜配醋汁清新開胃，水果番茄完全冇青味。螢光魷魚入口爆膏。東風螺彈牙鮮甜，原來唔使配濃汁都好味。💕刺身：小長井生蠔、鱈魚白子、鮑魚、拖羅、鰆魚小長井生蠔海水味唔重，貝柱好鮮甜，係👩🏻鐘意嘅口味。鱈魚白子口感豐腴，鮮甜嘅味道喺口中溶化。👩🏻成個冬天係咁食白子，呢個味道最甜。鮑魚用醬汁煮得恰度好處，彈牙唔韌。肝醬係偏甜嘅口味。拖羅有用蘋果木燻過，不過最重要係個檸檬西京汁，令本來比較常規嘅拖羅有多少少味道衝擊。鰆魚經過燒霜有多少少油脂香。不過同以上刺身比就普通咗少少🤭。💕熟食：松葉蟹春卷脆脆嘅春卷包住鮮甜嘅蟹肉，飽滿爆餡，感覺好奢侈✨。💕刺身：連子鯛、目張、赤貝、八爪魚腳、赤身、海膽平時對鯛魚類無感，但呢日嘅連子鯛味道又甜又純淨，有少少驚豔到。掂一掂赤貝仲有微微捲縮，爽脆鮮美，。👩🏻只食過八爪魚吸盤，原來八爪魚腳味道同樣鮮甜。糯口又帶少少𡁻勁，越咬越有鮮味。海膽嘅份量俾得勁大方