影片
更多
2019-01-20
1725 浏览
朋友生日，就約左佢試下omakase~一入門口就見到大概有十零個位，位同位之間都有少少逼。裝修就同日本見到食omakase既餐廳類似，都係有一種溫暖既感覺。而今晚係繩田師傅負責我地嗰枱。打開餐牌，有三個套餐可以選擇:風: 壽司卷物為主明: 有前菜，刺身，煮物，壽司同甜品等等，大約13-15件月: 同明一樣，分別只在大約有18-20件(目測多左鮑魚，松葉蟹同埋有大拖羅壽司)我地兩個揀左明，等左冇耐就開始上菜啦呢度既菜式都走傳統路線，唔算好多花巧野。不過反而試到店鋪既真功夫印象比較深刻有以下幾款:鰹魚配蔥: 有驚喜因為平時食鰹魚都比較乾柴柴，但係呢度既鏗魚嚼嚼下隱約有油脂味散出，而且魚肉嫩滑冇乾既問題。鮟鱇魚肝: 唔食白子，師傅就轉左鮟鱇魚肝。入口甜甜地有好濃好濃既魚味，一D內臟味都冇好容易入口。唯一要彈就係得二塊唔夠喉~赤身: 個人覺得呢度既赤身比中拖羅更值得一讚(中拖羅都好食但係驚喜不大，同埋有少少筋，可惜)坊間食到既赤身通常魚肉鬆散，而且會有陣魚腥+血腥味。但係呢度既赤身完全冇以上既問題~魚肉緊實有彈性，只係得魚既鮮味完全冇腥味...同埋難得有魚味得黎都有油脂香，兩者平衡得好好。
一入門口就見到大概有十零個位，位同位之間都有少少逼。裝修就同日本見到食omakase既餐廳類似，都係有一種溫暖既感覺。而今晚係繩田師傅負責我地嗰枱。
打開餐牌，有三個套餐可以選擇:
風: 壽司卷物為主
明: 有前菜，刺身，煮物，壽司同甜品等等，大約13-15件
月: 同明一樣，分別只在大約有18-20件(目測多左鮑魚，松葉蟹同埋有大拖羅壽司)
我地兩個揀左明，等左冇耐就開始上菜啦
呢度既菜式都走傳統路線，唔算好多花巧野。不過反而試到店鋪既真功夫
印象比較深刻有以下幾款:
鰹魚配蔥: 有驚喜因為平時食鰹魚都比較乾柴柴，但係呢度既鏗魚嚼嚼下隱約有油脂味散出，而且魚肉嫩滑冇乾既問題。
鮟鱇魚肝: 唔食白子，師傅就轉左鮟鱇魚肝。入口甜甜地有好濃好濃既魚味，一D內臟味都冇好容易入口。唯一要彈就係得二塊唔夠喉~
赤身: 個人覺得呢度既赤身比中拖羅更值得一讚(中拖羅都好食但係驚喜不大，同埋有少少筋，可惜)坊間食到既赤身通常魚肉鬆散，而且會有陣魚腥+血腥味。但係呢度既赤身完全冇以上既問題~魚肉緊實有彈性，只係得魚既鮮味完全冇腥味...同埋難得有魚味得黎都有油脂香，兩者平衡得好好。順帶一提呢度既壽司飯係用赤醋同埋偏酸~
沙甸魚: 好滑，有很濃油脂香，鍾意食油脂味比較重既呢件壽司會好適合你。但係要小心有骨。
海鰻: 入口即溶，配上偏甜既醬汁真係好好食。不過醬汁有D太濃如果可以減少就好，同埋一開始件海鰻太熱有少少辣親
玉子: 就算幾飽都一定要試! 有分成兩層: 有一層係普通玉子，而另外一層係好似慕絲咁一食入口就溶化左。口感比一般食到既更豐富。絕對係有heart整既。除左食物，另外要一讚就係服務，師傅同侍應們都有禮貌同細心。每道菜師傅會先用日文介紹一次之後侍應會用中文再介紹一次。同埋食第一件壽司之後會問你飯既份量是否剛好再調較之後壽司既份量。
食完成餐好滿足~期待下次再光顧
张贴
