永和海鮮酒家

营业中

休息中

就係因為隻燒鵝所以專登黎試吓，果然名不虛傳，燒得好香，鵝皮微脆，鵝肉新鮮且結實，成隻鵝的脂肪比例算唔錯，唔會太肥，下次要叫一隻，應該會仲好食D。見佢燒鵝咁掂，於是叫埋個例牌燒肉試吓，又係唔錯，燒肉皮咬落去好脆，不過舊肉就肥咗少少。自攜海鮮加功都幾抵食，炒蟹收$100，白灼蝦收$75，整得幾好。臨尾想試埋乾炒牛河，因為見隔離叫D炒粉麵好似幾正，點知無河粉，所以改做星米，炒得好乾身，咖哩汁又香，入面D料都好新鮮。